AtuartigukQalerallit aalisarneqanngitsut Qeqertarsuup Tunuanut nuunneqassapput
Nassiussisuuvoq: Aalisarnermut Piniarnermullu Naalakkersuisoqarfik
Aqutsiveqarfimmi Qeqertarsuup Tunuani umiatsiaararsortunut kvartalit pingajuannut qaleralittassiissutit nungungajalermata, 2023-mut pisassanik nuunneqarsinnaasunik aalisarneqanngitsunik Qeqertarsuup Tunuanut sillimmatissatut aalajangersarneqarsimasunik 300 tonsinik nuussisoqassaaq.
Aqutsiveqarfimmi Qeqertarsuup Tunuani qaleralinniarneq piffissami aggersumi taama ingerlaannassappat kvartalit sisamaannut pisassiissutigineqartut naammannavianngitsut naliliisoqarpoq.
Taamaattumik kvartalit sisamaanni pisassanik 400 tonsinik aqutsiveqarfik Uummannameersunit aamma 400 tonsinik aqutsiveqarfik Upernavimmeersunit kvartalit pingajuanni Qeqertarsuup Tunuanut nuussisoqassaaq.
Paasissutissat pillugit saaffigisassaq: Aalisarnermut Piniarnermut Naalakkersuisoqarfik. APN@nanoq.gl