Inuusuttut marluk Kunngikkormiutut Ataqqinassusillip, Prins Christiap, inuuissiornissaanut qaaqqusaasut

Kalaallit marluk 18-nik ukiullit, Kunngikkormiutut Ataqqinassusillip, Prins Christiap, oktobarip 15-anni 18-liilluni inuuissiornissaanut qaaqqusaapput. Namminersorlutik Oqartussat peqataasussanik marlunnik toqqaanermi ikiuutissapput.

Kunngikkormiutut Ataqqinassusilik, Prins Christian, oktobarip 15-ani 18-liissaaq. Ulloq malunnartinniarlugu Kunngikkormiut Christiansborg Slot-imi persuarsiorpalaartumik nerersuaartitsissapput. Inuusuttut Danmarkimeersut, Kalaallit Nunaanninngaanneersut Savalimmiuninngaanneersullu 200-nit amerlanerusut qaaqqusaapput.

Namminersorlutik Oqartussat angummik arnamillu 18-nik ukiulinnik, Kunngikkormiutut Ataqqinassusillip, Prins Christiap, inuuissiorneranut peqataasinnaasunik pissarsiorpoq. Dronningi nerersuaarnermut qitinnertalimmut ulloq taanna nalunaaqutaq 17.00 qaaqqusivoq.

Peqataassagaanni 2023-mi oktobarip 15-anni 18-nik ukioqalereersimanissaq piumasaqaataavoq.

Nalliuttorsiortunut peqataarusukkuit mailissaatit. Tassani atit, najukkat, inuuiit, oqarasuaativit normua pisussamullu sooq peqataarusunnerlutit nassuiaat naatsoq ilanngutissavatit.

Namminersorlutik Oqartussani Air Greenlandimilu ilinniartut inuusuttut kikkut marluk peqataassanersut toqqarumaarpaat.

Qinnuteqarfissaq ulloq kingulleq tassaavoq 2023-mi septembarip 18-at, peqataanissamut toqqagaasut 2023-mi septembarip 20-anni nalunaarutigineqassapput.

Air Greenland timmisartornissmut aningaasaliivoq. Namminersorlutik Oqartussat angalanermi unnuinernut aningaasartuutit akilissavaat.

Apeqqutit qinnuteqaallu Kuka Lyberth-mut nassiunneqassapput, kukl@nanoq.gl