Atuartiguk
Pisortaqarfinni tamani aggustip 12-iat 2023 aallarnerfigalugu NemKonto-systemi aningaasanik nuussinermi atorneqartalerpoq. Kommunini qitiusumillu allattoqarfimmi qaaammammusisoqarnerani kingullermi innuttaasut 96 %-ii ajornarnaqutitaqanngitsumik akissarsipput.
Pisortaqarfinni aningaasanik nuussisussaanermi NemKonto-systemi atulermalli arfinileriarluni nuussineq ingerlanneqarsimalerpoq. Tabelimi ataani suliarineqarsimasumi takuneqarsinnaavoq, nuussinerit sorliit kiisalu nuussinerit %-inngorlugit qanoq annertutigisut iluatsissimanersut, kiisalu qassit suli kontuminnik NemKontutut nalunaarsuisimanngitsut amerlassusaat procentinngorlugu takuneqarsinnaalluni.
| Akissarsisut | NemKontoqanngitsut %-inngorlugit |
| 18. aug. Kommunini ulluni 14-imusiallut akissarsineri |
13% |
| 25. aug. Namminersorlutik Oqartussaqarfinni ullui 14-imusiallit akissarsineri |
6 % |
| 31. aug. Kommunini qaammammusiallit akissarsineri |
6% |
| 31. aug. Namminersorlutik Oqartussani qaammammusiallit akissarsineri |
2% |
| 31. aug. Akileraartarnermut Aqutsisoqarfimmit utertoortut |
7% |
| Sapaatip akunnera 34-mi Akileraartarnermut Aqutsisoqarfimmit 2022 sioqqullugu utertoorutissallit |
24% |
“NemKonto systemi atorlugu akissarsititsinerit ingerlalluarsimapput. Innuttaasut amerlanerpaat upernaaq NemKonto pillugu paasititsiniaaneq ingerlanneqalermat NemKontussaminnik toqqaaniarneq pilertortumik ingerlassimavaat. Aallaqqaammullu innuttaasut amerlasuut NemKontussaminnik toqqaasimapput. Kommunit, aningaasanik tunniussisussat allat aningaaseriviillu innuttaasunik akissarsinngitsoortunik ikiuussimaqaat,” Digitalinngortitsinermik Aqutsisoqarfimmi pisortaaneq Katrine Hjelholt Nathanielsen taama oqarpoq.
Innuttaasut 5.761-sut amerlatigisut NemKontussaminnik nalunaarsuisariaqarput
Innuttaasut 5.761-sut amerlatigisut suli NemKontussaminnik nalunaarsuisimanngillat.
Pisortaqarfinnit akissarsisaruit imaluunniit isumaginninnikkuut ikiorsiissutinik pisartagaqaruit, taava kontuvit ilaat NemKontorisassatut toqqartariaqarpat.
Bankkonto minnerpaamik ullut tallimat NemKontutut nalunaarsorsimareeraangat aatsaat pisortaqarfinnit ikisiffigineqarsinnaanngortarpoq.
Tassa imaappoq, pingasunngorneq septembarip 27-at NemKontussannik toqqaaguit, taava septembarip 29-ani akissarsisoqalerpat, akissarsiassatit tigunngitsuussavatit.
Aningaasarsinngitsooruit, pisortaqarfik tunniussisussaagaluartoq saaffigissavat.
NemKomtumik toqqaaneq assigiinngitsut marluk aqqutigalugit pisarpoq:
- Netbank aqqutigalugu
- Kommunerisanni innuttaasunut Sullissivimmut kinaassutsimik uppernarsaammik kontumullu paasissutissanik nassarlutik ornigunnikkut
NemKonto kinaassutsimullu uppernarsaatit suut nassarsinnaanerlugit sullissivik.gl-imi paasisaqarnerugit.
Sukumiinerusumik paasissutissanik pissarsiniarnermi saaffissaq Katrine Hjelholt Nathanielsen, Aqutsisoqarfimmi pisortaq