AtuartigukNalunaarusiamik saqqummiussisoqassaaq
Nassiussisuuvoq: Aalisarnermut Piniarnermullu Naalakkersuisoqarfik
Uumasunut nakorsaqarnermut inuussutissalerinermullu oqartussaaffiup nunatsinnit akisussaaffigineqalernissaa pillugu nalunaarusiaq saqqummiunneqassaaq
Danmarkimi inuussutissanut, nunalerinermut aalisarnermullu ministeri, Jacob Jensen, marlunngornermi septembarip tallimaanni 2023-mi ataatsimeeqatigigakku ilisimatippara naatsorsuutigalugu uumasunut nakorsaqarnermut inuussutissalerinermullu oqartussaaffiup nunatsinnit akisussaaffigineqalernissaa pillugu maanna suliamut killiffimmut tunngasoq
Inatsisartut ukiakkut ataatsimiinnerini agguaatissallugu. Tamatuma kingorna qanoq alloriartoqassanersoq pillugu Naalakkersuisut aalajangiissapput, Aalisarnermut Piniarnermullu Naalakkersuisoq Karl Tobiassen oqarpoq.
Uumasunut nakorsaqarnermut inuussutissalerinermullu oqartussaaffiup tamakkiisumik nunatsinnit akisussaaffigineqalernissaa qinikkanit ukiorpassuarni oqallisigineqartuarpoq. Taannaavorlu Aalisarnermut Piniarnermullu Naalakkersuisup Karl Tobiassenip Danmarkimi inuussutissanut, nunalerinermut aalisarnermullu ministeri, Jacob Jensen, ullumi ataatsimeeqatigigamiuk oqaluuserisaasa pingaarnerit ilaat.
Naalakkersuisut 2022-mi aalajangerput uumasunut nakorsaqarnermut inuussutissalerinermullu oqartussaaffiup akisussaaffigineqalernissaanut pilersaarusiortussamik naalakkersuisoqarfinnit susassaqartunit ilaasortaaffigineqartumik suleqatigiissitaliortoqassasoq, tassunga ilanngullugu oqartussaaffiup akisussaaffigineqarnissaani sulisussat piginnaasassallu ilanngullugit misissorneqassasut.
Malitassaq inatsisilerinikkut, allaffissornikkut piginnaasallu tungaatigut pisariaqartitanik erseqqinnerusunik kiisalu ingerlatsinermi aningaasaqarnikkut kingunissaanik allaaserisanik imaqassaaq. Tamatuma saniatigut suliassaqarfimmik akisussaaffeqalernissamut pilersaarusiortoqassaaq.
Ullumi ataatsimiinnermi erseqqissarpara suliniummi pingaarnersat ilaat tassaasoq suliassaqarfiup akisussaaffigilernerani nunatsinni piginnaasat, aaqqissuussat isumaqatigiissutillu pisariaqartut inissinneqareersimanissaat qulakkiissallugu. Matumani Kalaallit Nunaata avammut niuernera pingaaruteqaqisoq akornuteqanngitsumik ingerlaannarsinnaanissaa eqqarsaatigaara.
Ataatsimiinnermi oqaluuserineqartussat ilaatigut tassaapput:
Aalisarnermut tunngasut nalinginnaasut, nunami aalisarnermut isumalioqatigiissitat, uumasunut nakorsaqarnermut inuussutissalerinermullu tunngasut akisussaaffigineqalernissaat, aalisakkanit qajuusaasianik uuliaallu tunisassiorneq siunertaralugu Kalaallit Nunaanni nerukkaatit pillugit inatsisit aamma qarasaasiakkut nakorsiartitsisarneq (telemedicin).
Paasissutissat pillugit saaffigisassaq: Aalisarnermut Piniarnermut Naalakkersuisoqarfik. APN@nanoq.gl
Danmarkimi inuussutissanut, nunalerinermut aalisarnermullu ministeri, Jacob Jensen, marlunngornermi septembarip tallimaanni 2023-mi ataatsimeeqatigigakku ilisimatippara naatsorsuutigalugu uumasunut nakorsaqarnermut inuussutissalerinermullu oqartussaaffiup nunatsinnit akisussaaffigineqalernissaa pillugu maanna suliamut killiffimmut tunngasoq
Inatsisartut ukiakkut ataatsimiinnerini agguaatissallugu. Tamatuma kingorna qanoq alloriartoqassanersoq pillugu Naalakkersuisut aalajangiissapput, Aalisarnermut Piniarnermullu Naalakkersuisoq Karl Tobiassen oqarpoq.
Uumasunut nakorsaqarnermut inuussutissalerinermullu oqartussaaffiup tamakkiisumik nunatsinnit akisussaaffigineqalernissaa qinikkanit ukiorpassuarni oqallisigineqartuarpoq. Taannaavorlu Aalisarnermut Piniarnermullu Naalakkersuisup Karl Tobiassenip Danmarkimi inuussutissanut, nunalerinermut aalisarnermullu ministeri, Jacob Jensen, ullumi ataatsimeeqatigigamiuk oqaluuserisaasa pingaarnerit ilaat.
Naalakkersuisut 2022-mi aalajangerput uumasunut nakorsaqarnermut inuussutissalerinermullu oqartussaaffiup akisussaaffigineqalernissaanut pilersaarusiortussamik naalakkersuisoqarfinnit susassaqartunit ilaasortaaffigineqartumik suleqatigiissitaliortoqassasoq, tassunga ilanngullugu oqartussaaffiup akisussaaffigineqarnissaani sulisussat piginnaasassallu ilanngullugit misissorneqassasut.
Malitassaq inatsisilerinikkut, allaffissornikkut piginnaasallu tungaatigut pisariaqartitanik erseqqinnerusunik kiisalu ingerlatsinermi aningaasaqarnikkut kingunissaanik allaaserisanik imaqassaaq. Tamatuma saniatigut suliassaqarfimmik akisussaaffeqalernissamut pilersaarusiortoqassaaq.
Ullumi ataatsimiinnermi erseqqissarpara suliniummi pingaarnersat ilaat tassaasoq suliassaqarfiup akisussaaffigilernerani nunatsinni piginnaasat, aaqqissuussat isumaqatigiissutillu pisariaqartut inissinneqareersimanissaat qulakkiissallugu. Matumani Kalaallit Nunaata avammut niuernera pingaaruteqaqisoq akornuteqanngitsumik ingerlaannarsinnaanissaa eqqarsaatigaara.
Ataatsimiinnermi oqaluuserineqartussat ilaatigut tassaapput:
Aalisarnermut tunngasut nalinginnaasut, nunami aalisarnermut isumalioqatigiissitat, uumasunut nakorsaqarnermut inuussutissalerinermullu tunngasut akisussaaffigineqalernissaat, aalisakkanit qajuusaasianik uuliaallu tunisassiorneq siunertaralugu Kalaallit Nunaanni nerukkaatit pillugit inatsisit aamma qarasaasiakkut nakorsiartitsisarneq (telemedicin).
Paasissutissat pillugit saaffigisassaq: Aalisarnermut Piniarnermut Naalakkersuisoqarfik. APN@nanoq.gl