Pilluaqqussut

Asasarput Lars Lennert Abelsen

Kalaallit Nunaat sinnerlugu Nunanut allanut Taekwon-domi unammisartutut Nunarsuaq tamakkerlugu Kasakhstanimi pissartanngorniunnermi angusarissaarlutit takutitsilluarlutillu nunarsuatsinni pitsaanerpaat pingajuattut tul-imi bronzennanninni Naalakkersuisut sinnerlugit pilluaqquakkit.

Nuannaarutigaarput tulluusimaarutigalugulu ukiuni arlalinni nunarput sinnerlugu Nunarsuaq tamakkerlugu pissartanngorniuttarnerni peqataasarsimanerit.

Naalakkersuisut neriuutigaat takutitsilluarnerit nunatsinni meeqqat inuusuttullu Taekwon-dortartut akornanni piumassusermik pilersitsiumaartoq.

Kissaappatsigit siunissami suli kajumissuseqarlutit timersuummi Taekwon-do-mi aallussiumaartutit.

Inussiarnersumik inuulluaqqusilluta

Aqqaluaq B. Egede
Ilinniartitaanermut Kultureqarnermut, Timersornermut, Ilageeqarnermillu Naalakkersuisoq