AtuartigukUumassusillit sananeqaataasigut kingornuttagaasunik isumalluutit ilisimatusarnermi iluaqutigineqarnissaat pillugu nittartakkap GovGen.gl-ip atulersinnera
Nassiussisuuvoq: Nunanut Allanut, Inuussutissarsiornermut Niuernermullu Naalakkersuisoqarfik
Uumassusillit sananeqaataasigut kingornuttagaasunik isumalluutit iluaqutigineqarnissaannut akuersissut, akuersissummillu qinnuteqartarneq pillugit ilisimatuut, suliffeqarfiillu paasissutissanik ajornannginnerusumik ujartuisinnaanngorlugit nittartagaq nutaaq – GovGen.gl, Nunanut Allanut, Inuussutissarsiornermut Niuernermullu Naalakkersuisoqarfiup atulersippaa.
Uumassusillit sananeqaataasigut kingornuttagaasunik isumalluutit inuussutissarsiornikkut ilippanaateqarluarput, taavalu ilisimatusarnerit inernerillu inuussutissarsiutinut assigiinngitsorpassuarnut attuumassuteqarlutik. Ilisimatusaqatigiinnut 100-sunut akuersissutit 100-nik sinneqartut 2023-mi tunniunneqarput. Ilisimatusartut taakkua najukkani assersuutigalugu unnuisarfinni unnuisarput, soorluttaaq sullissinernik assartuinernillu atuisartut. Malittarisassat atuuttut pillugit paasissutissanik ilisimatuut, soqutiginnittullu allat nittartakkami ujartuisinnaassapput, soorluttaaq qinnuteqarfissat, nalunaaruteqarnissamullu immersugassat nittartakkamiittut. Taakkua saniatigut siornatigut misissuisimanerit, suna misissorneqarsimanersoq, sumilu misissuisoqarsimanersoq pillugit takussutissiaq takuneqarsinnaavoq.
Uumassusillit sananeqaataasigut kingornuttagaasunik isumalluutit ilisimatusarnermi iluaqutigineqarnissaannut akuersissummik pigisaqarnikkut, isumalluutit katersorneqarsimasut aallaavigalugit saqqummersitat tamaasa pillugit Naalakkersuisut ilisimatissallugit ilisimatuut, suliffeqarfiillu pisussaaffeqarput. Paasissutissat taakkua nunatsinni najugaqartunut, ilisimatuunullu annerusumik iluaqutissanngorlugit siunissami nittartakkamut ilanngunneqartalissapput.
Suliniut niuernissamik aallaaveqartumik ineriartortinneqassappat, iluanaarutit avinneqarnissaannik isumaqatigiissutissaq Kalaallit Nunaanni Namminersorlutik Oqartussat, illuatungerisallu akornanni suliarineqartarpoq. Iluanaarutit avinneqarnissaat aningaasat avinneqarnissaannik tunngassuteqarsinnaasarpoq, aammali aningaasanut tunngassuteqarani assersuutigalugu inuussutissarsiutit, suliffeqarfiit il.il. akornanni ilisimasanik annertusisamik avitseqatigiittoqarnissaanik tunngassuteqarsinnaalluni.
Nittartagaq pillugu Nunanut Allanut, Inuussutissarsiornermut Niuernermullu Naalakkersuisoq Vivian Motzfeldt ima oqarpoq, ”ilisimatuut tamarmik ingerlataminnut akuersissuteqarnissaat qulakkeersinnaalerlutigu misissugassanik katersinissaq, qinnuteqartarnerlu pillugit paasissutissanik ilisimatuut, soqutigisaqaqatigiillu allat ajornannginnerusumik ujartuisinnaanngornissaat, ilisimatusarnermilu paasisat nunatsinni innuttaasunit takuneqarsinnaanerulernissaat qilanaaraara”, nangillunilu ima oqarluni: ”ilisimasalikkat najukkami inuussutissarsiutillit atorsinnaaniassammatigit, nutaamillu eqqarsarnissamik inuusuttut isumassarsitinneqarniassammata ilisimalikkat atorluarnerunissaat pingaaruteqarpoq”.
Naalakkersuisut Ilisimatusarnermut periusissiaat, tassani pingaarnertut ukkatarisat sisamaasut ilagisaat ilisimatusarnerit inerneri tamanit pissarsiariuminartuunissaat naapertorlugu nittartagaq atulersinneqarpoq. Akuersissutinik tunniussisarneq, nalunaarutillu tiguneqartarneri ilutigalugit nittartagaq ataavartumik nutarterneqartassaaq.
Attavissaq: Naalakkersuisumut allatsi Naasunnguaq Beck Kristensen, Email: nabk@nanoq.gl, Mobil: +299 533684
Uumassusillit sananeqaataasigut kingornuttagaasunik isumalluutit inuussutissarsiornikkut ilippanaateqarluarput, taavalu ilisimatusarnerit inernerillu inuussutissarsiutinut assigiinngitsorpassuarnut attuumassuteqarlutik. Ilisimatusaqatigiinnut 100-sunut akuersissutit 100-nik sinneqartut 2023-mi tunniunneqarput. Ilisimatusartut taakkua najukkani assersuutigalugu unnuisarfinni unnuisarput, soorluttaaq sullissinernik assartuinernillu atuisartut. Malittarisassat atuuttut pillugit paasissutissanik ilisimatuut, soqutiginnittullu allat nittartakkami ujartuisinnaassapput, soorluttaaq qinnuteqarfissat, nalunaaruteqarnissamullu immersugassat nittartakkamiittut. Taakkua saniatigut siornatigut misissuisimanerit, suna misissorneqarsimanersoq, sumilu misissuisoqarsimanersoq pillugit takussutissiaq takuneqarsinnaavoq.
Uumassusillit sananeqaataasigut kingornuttagaasunik isumalluutit ilisimatusarnermi iluaqutigineqarnissaannut akuersissummik pigisaqarnikkut, isumalluutit katersorneqarsimasut aallaavigalugit saqqummersitat tamaasa pillugit Naalakkersuisut ilisimatissallugit ilisimatuut, suliffeqarfiillu pisussaaffeqarput. Paasissutissat taakkua nunatsinni najugaqartunut, ilisimatuunullu annerusumik iluaqutissanngorlugit siunissami nittartakkamut ilanngunneqartalissapput.
Suliniut niuernissamik aallaaveqartumik ineriartortinneqassappat, iluanaarutit avinneqarnissaannik isumaqatigiissutissaq Kalaallit Nunaanni Namminersorlutik Oqartussat, illuatungerisallu akornanni suliarineqartarpoq. Iluanaarutit avinneqarnissaat aningaasat avinneqarnissaannik tunngassuteqarsinnaasarpoq, aammali aningaasanut tunngassuteqarani assersuutigalugu inuussutissarsiutit, suliffeqarfiit il.il. akornanni ilisimasanik annertusisamik avitseqatigiittoqarnissaanik tunngassuteqarsinnaalluni.
Nittartagaq pillugu Nunanut Allanut, Inuussutissarsiornermut Niuernermullu Naalakkersuisoq Vivian Motzfeldt ima oqarpoq, ”ilisimatuut tamarmik ingerlataminnut akuersissuteqarnissaat qulakkeersinnaalerlutigu misissugassanik katersinissaq, qinnuteqartarnerlu pillugit paasissutissanik ilisimatuut, soqutigisaqaqatigiillu allat ajornannginnerusumik ujartuisinnaanngornissaat, ilisimatusarnermilu paasisat nunatsinni innuttaasunit takuneqarsinnaanerulernissaat qilanaaraara”, nangillunilu ima oqarluni: ”ilisimasalikkat najukkami inuussutissarsiutillit atorsinnaaniassammatigit, nutaamillu eqqarsarnissamik inuusuttut isumassarsitinneqarniassammata ilisimalikkat atorluarnerunissaat pingaaruteqarpoq”.
Naalakkersuisut Ilisimatusarnermut periusissiaat, tassani pingaarnertut ukkatarisat sisamaasut ilagisaat ilisimatusarnerit inerneri tamanit pissarsiariuminartuunissaat naapertorlugu nittartagaq atulersinneqarpoq. Akuersissutinik tunniussisarneq, nalunaarutillu tiguneqartarneri ilutigalugit nittartagaq ataavartumik nutarterneqartassaaq.
Attavissaq: Naalakkersuisumut allatsi Naasunnguaq Beck Kristensen, Email: nabk@nanoq.gl, Mobil: +299 533684