AtuartigukKitaata avannaani septembarip aallaqqaataanit kapisilinniartoqalissaaq
Nassiussisuuvoq: Aalisarnermut Piniarnermullu Naalakkersuisoqarfik
Aalisarnermut Piniarnermullu Naalakkersuisoqarfiup ilisimatitsissutigisinnaanngorpaa kitaata avannaani (64°14’N-ip avannaanit ) kapisilinniartoqarsinnaanngormat. Kapisilittassiissutigineqartut 10,8 tonsiupput, taakkulu inuussutissarsiutigalugu aalisartut sunngiffimmilu aalisartut agguagassaraat:
| Aqutsiveqarfik | Pisassiissutit (tons) |
| Kitaata avannaa 10,8 Agguagassat: Sunngiffimmi aalisartut............................. 3,24 Inuussutissarsiutigalugu aalisartut...............................7,56 |
10,8 |
Kapisilinniarnissamut akuersissut kommunerisannut imaluunniit sullissivik.gl-imut qinnutigisinnaavat.
Eqqaamassavat kapisilittarisatit nalunaarutigissagakkit, pisaqarsimanngikkaluaruilluunniit nalunaarutiginnissaatit. Uunga nalunaassaatit gflk@nanoq.gl. Nalunaanngikkuit 2024-mut akuersissummik pisinnaanavianngilatit.
Paasissutissanik amerlanerusunik paasisaqarusukkuit Aalisarnermut Piniarnermullu Naalakkersuisoqarfik saaffiginnissinnaavutit. APN@nanoq.gl
