AtuartigukQaanaami mittarfimmut aqqusernup ajoqusernera pillugu
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Ineqarnermut Attaveqaasersuutinullu Naalakkersuisoqarfik ippassaq unnuttoq Mittarfeqarfiit A/S-imiit ilisimatinneqarpoq, Qaanaami mittarfiup aqquserna annertuumik ajoqusersimasoq. Aqqusernup ajoqusernera peqqutaalluni Qaanaap illoqarfiata mittarfiullu akornanni inunnik assartuussisoqarsinnaanngilaq. Taamatuttaaq illoqarfiup upalungaarsimasui mittarfimmut apuussinnaanngillat. Taamaattorli timmisartuussinerit ingerlannassapput mittarfimmi upalungaarsimasimasoqarmat.
Taamaattumik Ineqarnermut Attaveqaasersuutinullu Naalakkersuisoqarfiup, Avannaata Kommuniata, Mittarfeqarfiit A/S-ip aamma Air Greenland A/S-ip akornanni aaqqiissutissanik nassaarniarluni, taamaalillunilu Qaanaamut/Qaanaamiit angallannerup ingerlaannarnissaa anguniarlugu qanittumik oqaloqatigiittoqarpoq. Sapaatip akunnerata ingerlanerini timmisartuussinissanut, aaqqiissutissanik nassaartoqareerpoq kiisalu mittarfimmiik illoqarfimmut ilaasunik angallassinissamut aaqqissuuteqartoqarluni.
Tamatuma saniatigut entreprenørimik ajoqusernernik takuniaajartortussamik, taamaalillunilu ukiup tulliani taamatut pisoqartoqaqqinnginnissaa anguniarlugu aaqqiissutissanik ataavartunik ujartuisussamik Qaanaamukartitsisoqarnissaa sulissutigineqarpoq. Maanna ukialereerpoq, taamaattumillu atortussanik annertunerusunik umiarsuakkut Qaanaamut nassiussinissaq kingusinaareermat ukioq manna aaqqiissutissanik ataavartunik nassaarnissaq annertuumik ajornartorsiutigineqarpoq.
Ineqarnermut Attaveqaasersuutinullu Naalakkersuisoqarfiup paasissutissat attuumassutillit tusagassiorfinnut nalunaarutigisarumaarpai.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl
Taamaattumik Ineqarnermut Attaveqaasersuutinullu Naalakkersuisoqarfiup, Avannaata Kommuniata, Mittarfeqarfiit A/S-ip aamma Air Greenland A/S-ip akornanni aaqqiissutissanik nassaarniarluni, taamaalillunilu Qaanaamut/Qaanaamiit angallannerup ingerlaannarnissaa anguniarlugu qanittumik oqaloqatigiittoqarpoq. Sapaatip akunnerata ingerlanerini timmisartuussinissanut, aaqqiissutissanik nassaartoqareerpoq kiisalu mittarfimmiik illoqarfimmut ilaasunik angallassinissamut aaqqissuuteqartoqarluni.
Tamatuma saniatigut entreprenørimik ajoqusernernik takuniaajartortussamik, taamaalillunilu ukiup tulliani taamatut pisoqartoqaqqinnginnissaa anguniarlugu aaqqiissutissanik ataavartunik ujartuisussamik Qaanaamukartitsisoqarnissaa sulissutigineqarpoq. Maanna ukialereerpoq, taamaattumillu atortussanik annertunerusunik umiarsuakkut Qaanaamut nassiussinissaq kingusinaareermat ukioq manna aaqqiissutissanik ataavartunik nassaarnissaq annertuumik ajornartorsiutigineqarpoq.
Ineqarnermut Attaveqaasersuutinullu Naalakkersuisoqarfiup paasissutissat attuumassutillit tusagassiorfinnut nalunaarutigisarumaarpai.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl