AtuartigukAqqaluap Kofoedsminde pulaarpaa
Nassiussisuuvoq: Meeqqanut, Inuusuttunut Ilaqutariinnullu Naalakkersuisoqarfik
Meeqqanut, Inuusuttunut Ilaqutariinnullu Naalakkersuisup Aqqaluaq B. Egedep Lollandimi Kofoedsminde pulaarpaa, taanna Danmarkimi kisiartaalluni inersimasunut eqqarsartaatsimikkut akornutilinnut eqqartuunneqarsimasunullu immikkut ittumik isumannaallisagaalluni paaqqinniffiuvoq.
Kalaallit inersimasut ineriartornermikkut akornutillit inissinneqartussanngorlugit eqqartuunneqarsimasut ullumikkut Danmarkimi paarineqartussanngorlugit inissinneqartarput, ilaatigut Kofoedsmindemut. Kofoedsminde Danmarkimi kisiartaalluni inersimasunut eqqarsartaatsimikkut akornutilinnut eqqartuunneqarsimasunullu immikkut ittumik isumannaallisagaalluni paaqqinnittarfiuvoq, najugaqartunik 100-nik inissaqarluni.
Ullumikkut kalaallit inissinneqartussanngorlugit eqqartuunneqarsimasut Kofoedsmindemi najugaqarput.
Meeqqanut, Inuusuttunut Ilaqutariinnullu Naalakkersuisup Aqqaluaq B. Egedep Kofoedsmindemik suleqateqarneq iluaraa.
- Innuttaasut nunatsinniiginnartarnissaat soorunami Naalakkersuisut kissaatigaat kisianni ulloq unnuarlu sulisulimmik immikkut ittumik isumannaallisakkamik suli paaqqinnittarfeqanngilagut taamaattumillu kalaallit innuttaasut eqqortumik katsorsarneqartarnerat nuannaarutigaarput, Naalakkersuisoq Aqqaluaq B. Egede oqarpoq nangillunilu:
- Paaqqinnittarfimmik suleqateqarneq iluarineqarpoq siunissamilu nanginneqassaaq.
Paasisaqarnerorusukkuit naalakkersuisup allattaa Rosa Thorsen e-mailikkut: rose@nanoq.gl imaluunniit oqarasuaatikkut ugguuna attaveqarfigineqarsinnaavoq: +299553303.