AtuartigukTikaagullittassanit pisassiissutinik 2023-imi agguaasseqqinneq
Nassiussisuuvoq: Aalisarnermut Piniarnermullu Naalakkersuisoqarfik
Aalisarnermut Piniarnermullu Naalakkersuisup Nunatta Kitaani qamutilissorluni tikaagullittassiissutinit 41-it ataatsimoorluni qoorortoorsorluni tikaagullittassanut nuunnissaat aalajangerpaa. Taamaasilluni Kitaani angallatit qamutilillit tikaagullittassaat maanna 83-it sinnerupput kiisalu umiatsiaararsortunut pisassat 88-ullutik, nuussaniit piniarneq augustip 23-anni 2023-miit atuutilissaaq.
Nuussinissamut ulluliussaq sioqqullugu, tassa augustip 22-iani (ullussaa kommunit namminneerlutik aalajangissavaat) ataatsimoorluni piniarneq tamarmi inerteqqutaavoq. Kommunit nutaamik agguaasseqqinneq tamanut nalunaarutigereerpassuk piniarneq aatsaat aallarteqqinneqarsinnaavoq.
Tusagassiorfinnut decembarip 20-ianni 2022-mi nalunaarutini, Kitaani ukiumut tikaagullinnik tunngaviusumik pisassiissutit 164-it pillugit ilisimatitsissuteqartoqarpoq kiisalu 2022-miit pisassiissutinik 65-inik Kitaani nuussisoqarpoq. Ataatsimoorluni qoorortoorsorluni piniarnermi tikaagulliit 54-it pisassiissutigineqarput qamutilinnillu tuukkartalinnik piniarnermit 110-t pisassiissutigineqarlutik tunngaviusumik pisassiissutiniit.
Piniaqatigiit qoorortuumik tikaagullinniartut apriilip 1-iannit oktobarip 31-at ilanngullugu 2023-mi piniarsinnaapput.
Tunumi pisassiissutit tamakkerlugit 20-upput aamma 2022-miit nuussat sisamaapput.
Aggustip 17-anni 2023-mi killiffittut paasissutisiarisai naapertorlugit Kitaani tikaagulliit 31-t ataatsimoorluni piniarnermi aamma qamutilinnik tuukkartalinnik piniarnermit tikaagulliit 27-it pisarineqarsimapput.
Tunumi tikaagulliit tallimat pisarineqarsimapput, pisassiissutinik 16-it sinnerullutik.
Malittaani kisitsisit tassaapput qamutilissortuniit umiatsiaararsortunut agguaateqqitat, taannalu isumaqarpoq ukiumoortumik pisassat decembarip 20-ani 2022-mi agguaanneqareersut allanngortinneqanngitsut.
| Nuutat | Ukiumoortumik pisassat | |
| Avannaata Kommunia | 6 | 16 |
| Kommune Qeqertalik | 10 | 12 |
| Qeqqata Kommunia | 10 | 6 |
| Kommuneqarfik Sermersooq, Kitaa | 7 | 6 |
| Kommune Kujalleq | 8 | 14 |
| Katillugit | 41 | 54 |
Ataatsimoorluni tikaagullittat, Kitaa, aggustip 17-anni:
| Nunatta kitaa | Pisat |
|
Qaanaaq |
0 |
| Upernavik | 1 |
| Uummanaq | 0 |
| Ilulissat | 4 |
| Qeqertarusaq | 1 |
| Qasigiannguit | 0 |
| Aasiaat | 0 |
| Kangaatsiaaq | 3 |
| Sisimiut | 4 |
| Maniitsoq | 4 |
| Nuuk | 5 |
| Paamiut | 2 |
| Narsaq | 3 |
| Qaqortoq | 2 |
| Nanortalik | 2 |
| Katillugit | 31 |
Ataatsimoorluni tikaagullittat, Tunu aggustip 17-anni:
| Tunu | Pisat |
| Ittoqqortoormiit | 0 |
| Tasiilaq | 5 |
| Katillugit | 5 |
Kisitsisit allannguuteqarsinnaapput, nuussinerup nalaani pisanik nalunaaruteqartoqarsimasinnaammat.
Sukumiinerusumik paasisaqarusukkaanni attavigiuk immikkut siunnersorti Masaana Dorph, oqarasuaat 34 53 44, e mail: mado@nanoq.gl