AtuartigukPeqqissutsimut Naalakkersuisup Uummannaq tikeraarpaa
Nassiussisuuvoq: Peqqissutsimut Naalakkersuisoqarfik
Peqqissutsimut Naalakkersuisoq Mimi Karlsenip piffissami 14. august - 17. august 2023 Uummannaq aamma Saattut tikeraarpai.
Peqqinnissaqarfimmi sulisut qaninnerusumik oqaloqatiginissaat aamma peqqinnissaqarfimmi sullissinerup pitsaassusia peqqinnissaqarfimmilu misigisat aamma nalinginnaasumik innuttaasut peqqissusaat pillugit innuttaasut qaninnerusumik oqaloqatiginissaat angalanermi siunertaapput. Tassunga atatillugu Saattuni nunaqarfimmi peqqissaavik aamma utoqqaat illuat, kiisalu Uummannami peqqissaavik, kigutileriffik aamma utoqqaat illuat Mimi Karlsenip pulaarpai.
Aammattaaq Uummannami innuttaasumik ataatsimiitsitsisoqarpoq, tassani Peqqinnissaq pillugu ataatsimiititaliarsuup isumaliutissiissutaa pillugu kiisalu Inatsisartuni partiit suleqatigalugit piffissami tulliuttumi Naalakkersuisunit suut suliniutigineqartussatut naatsorsuutigineqarnersut Mimi Karlsen paasissutissiivoq.
Mimi Karlsen oqarpoq:
”Inuit naapitama ammasuunerat unneqqarinnerallu nuannaarutigaara. Ukiuni makkunani sulisussarsiortarnermik annertuumik unammilligassaqarnitta ilaatut Peqqinnissaqarfimmi sullissinerup pitsaassusiata annertusiartortumik unammillernarnera uppernarseqqippara. Naak suliniutit arlallit ingerlakkaluarivut suliassaqarfimmik malunnartumik kivitsiniarnermi politikkikkut siammasissumik suleqatigiittoqartariaqarpoq. Piffissami aggersumi tamatuminnga suliaqarnera ingerlateqqissavara.”
Paasisaqarnerorusukkuit Naalakkersuisup allattaa Naja Lynge Petersen e-mail: nalp@nanoq.gl imaluunniit oqarasuaammut uunga +299 52 03 89.
Peqqinnissaqarfimmi sulisut qaninnerusumik oqaloqatiginissaat aamma peqqinnissaqarfimmi sullissinerup pitsaassusia peqqinnissaqarfimmilu misigisat aamma nalinginnaasumik innuttaasut peqqissusaat pillugit innuttaasut qaninnerusumik oqaloqatiginissaat angalanermi siunertaapput. Tassunga atatillugu Saattuni nunaqarfimmi peqqissaavik aamma utoqqaat illuat, kiisalu Uummannami peqqissaavik, kigutileriffik aamma utoqqaat illuat Mimi Karlsenip pulaarpai.
Aammattaaq Uummannami innuttaasumik ataatsimiitsitsisoqarpoq, tassani Peqqinnissaq pillugu ataatsimiititaliarsuup isumaliutissiissutaa pillugu kiisalu Inatsisartuni partiit suleqatigalugit piffissami tulliuttumi Naalakkersuisunit suut suliniutigineqartussatut naatsorsuutigineqarnersut Mimi Karlsen paasissutissiivoq.
Mimi Karlsen oqarpoq:
”Inuit naapitama ammasuunerat unneqqarinnerallu nuannaarutigaara. Ukiuni makkunani sulisussarsiortarnermik annertuumik unammilligassaqarnitta ilaatut Peqqinnissaqarfimmi sullissinerup pitsaassusiata annertusiartortumik unammillernarnera uppernarseqqippara. Naak suliniutit arlallit ingerlakkaluarivut suliassaqarfimmik malunnartumik kivitsiniarnermi politikkikkut siammasissumik suleqatigiittoqartariaqarpoq. Piffissami aggersumi tamatuminnga suliaqarnera ingerlateqqissavara.”
Paasisaqarnerorusukkuit Naalakkersuisup allattaa Naja Lynge Petersen e-mail: nalp@nanoq.gl imaluunniit oqarasuaammut uunga +299 52 03 89.