AtuartigukGME-mut akissut
Nassiussisuuvoq: Aatsitassanut Inatsisillu Atuutsinneqarnerannut Naalakkersuisoqarfik
Aningaasaqarnermut, Naligiissitaanermut, Aatsitassanut Inatsisillu Atuutsinneqarnerannut Naalakkersuisoq, Naaja H. Nathanielsen, oqarpoq:
”Maluginiarpara GME aalajangiinissamut missingiummut maannamuugallartoq isummani oqaatigalugu oqaaseqarsimasoq. Naalakkersuisut tamatumunnga oqaaseqaatissaqanngillat aammalu ingerlatseqatigiiffiup inaarutaasumik tusarniaanermut akissuteqaataa utaqqimaarlugu”.
Ulloq 16. december 2022 Greenland Minerals A/S Kuannersuarni piiaanissamut akuersissummik allaanerusumik qinnuteqaammik nassiussivoq, taanna malillugu urani niuerutissatut piiarneqartussaanani, kiisanni tailings-itut inissinneqartussaalluni.
Ulloq 27. juli 2023 Naalakkersuisut qinnuteqaat taanna pillugu aalajangiinissaq Greenland Minerals A/S-imut tusarniaassutigalugu nassiuppaa. Missingiutip imaraa uranimut inatsimmi § 1, imm. 2 innersuussutigalugu qinnuteqaat itigartinneqassasoq. Tassani allassimavoq, isumalluut tamarmiusoq agguaqatigiissillugu 100 ppm sinnerlugu uranimik akoqarpat, misissueqqaarneq, aatsitassarsiorluni misissuineq imaluunniit piiaaneq uranimut sammitinneqarani allamut sammitinneqartoq, ingerlateqqusaanngitsoq.
Aallaaviatigut aalajangiinissamut missingiummut tusarniaaneq ullunik 14-inik piffissalerneqartussaavoq. Kisianni Greenland Minerals A/S allakkiani missingiummut attuumassuteqartuni allagaatini takunninnissamik qinnuteqarsimammat, allakkiat ujartorneqartut ingerlatseqatigiiffimmit tiguneqareernerisa kingorna ullunut 14-inut tusarniaanermut piffissaliussaq sivitsorneqarpoq.
Aatsitassanut Inatsisillu Atuutsinneqarnerannut Naalakkersuisoqarfiup maannakkorpiaq allagaatinik takunninnissamik qinnuteqaat suliaraa, aammalu allakkiat 2023-mi aggustip qiteqqunnerani nassiussinnaassallugit naatsorsuutigalugu.
Qinnuteqaat allaanerusoq pillugu inaarutaasumik aalajangiineq 2023-mi septembarip qiteqqunnerani naammassissasoq naatsorsuutigineqarpoq.
Aningaasaqarnermut, Naligiissitaanermut, Aatsitassanut Inatsisillu Atuutsinneqarnerannut Naalakkersuisoq, Naaja H. Nathanielsen, oqarpoq:
”Maluginiarpara GME aalajangiinissamut missingiummut maannamuugallartoq isummani oqaatigalugu oqaaseqarsimasoq. Naalakkersuisut tamatumunnga oqaaseqaatissaqanngillat aammalu ingerlatseqatigiiffiup inaarutaasumik tusarniaanermut akissuteqaataa utaqqimaarlugu”.