AtuartigukSanaqateqarluni illulioqataasarnermut malittarisassat (95/5) nutaat takkutilerput
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Najugaqarfinni minnerni najugaqartunut aningaaserivimmit bankimilluunniit taarsigassarsisinnaanngitsunut iluaqutaasussanngorlugu nammineq illuliassanut aningaasaliinermut malittarisassat allanngortinneqarnissaat ukiuni arlaqartuni kissaatigineqarnikuuvoq. Aaqqissuussami atuuttumi sanaqateqarniat nammineq akiligassaminnut bankimit taarsigassarsianik pissarsinissaat ajornakusoornartoq paasinarsivoq.
Ineqarnermut Attaveqaasersuutinullu Naalakkersuisoq, Erik Jensen ima oqaaseqarpoq:
“Naalakkersuisut illunut sanaqataaffiusunut inatsimmik atuuttumik allannguisoqassasoq tunngaviusumik aalajangiussimavaat, taamaaliornikkut innuttaasut amerlanerusut nammineq illuliassanut qinnuteqarsinnaalissapput. Aalajangiunneqarpoq, inatsisip sukkanerpaamik allanngortinnissaa siunertaralugu tunngaviit nutaat borgmesterinut partiillu siulittaasuinut saqqummiutissagikka.
Septembarip qiteqqunnerani inatsimmik allannguinermut tunngaviit borgmesterinut saqqummiunniarpakka malitsigisaanillu Inatsisartut ataatsimiilerpata partiit siulittaasuinik kiisalu Inatsisartut ataatsimiititaliaannik attuumassuteqartunik eqqartueqatiginninniarlunga.
Aningaasaleeriaasissamut nutaamut siunnersuummi Naalakkersuisut uku pingaartissimavaat:
- Nunatsinni inuttaasut sapinngisamik amerlanerpaat inissiamik imminut pilersornissamut periarfissinneqassasut - aamma najugaqarfinni minnerni najugaqartut.
- Innuttaasut najugaqarfinni minnerni najugaqartut aningaaserivimmit bankimilluunniit taarsigassarsisinnaanngitsut ullumikkorniit pitsaanerusumik inissiamik imminut pilersornissamut periarfissinneqassasut.
- Nammineerluni aallarniutitut aningaasaliisarneq isertitat aallaaviginagit assigiissarneqassasut.
- Inoqutigiinni isertitat nikerarnerat apeqqutaatillugu taarsigassarsiamik akilersuinissamut aaqqissuussamik pilersitsisoqassasoq.
Allannguutissamut siunnersuut maanna suliarineqarpoq, siunnersuullu tusarniaassutigineqalerpat tigulluarneqarnissaanut neriulluarpunga. Tusarniaaneq aggustip naalernerani pissasoq naatsorsuutigineqarpoq. Oqaloqatigiilluarnikkut tusarniaanermilu suleriaasikkut allannguutissatut siunnersuutinik pissarsisinnaasoqassaaq allannguisoqarsinnaassallunilu, taamaaliornikkullu allannguutissatut siunnersuummik tunngavissaqarlualerluni.”
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl
Ineqarnermut Attaveqaasersuutinullu Naalakkersuisoq, Erik Jensen ima oqaaseqarpoq:
“Naalakkersuisut illunut sanaqataaffiusunut inatsimmik atuuttumik allannguisoqassasoq tunngaviusumik aalajangiussimavaat, taamaaliornikkut innuttaasut amerlanerusut nammineq illuliassanut qinnuteqarsinnaalissapput. Aalajangiunneqarpoq, inatsisip sukkanerpaamik allanngortinnissaa siunertaralugu tunngaviit nutaat borgmesterinut partiillu siulittaasuinut saqqummiutissagikka.
Septembarip qiteqqunnerani inatsimmik allannguinermut tunngaviit borgmesterinut saqqummiunniarpakka malitsigisaanillu Inatsisartut ataatsimiilerpata partiit siulittaasuinik kiisalu Inatsisartut ataatsimiititaliaannik attuumassuteqartunik eqqartueqatiginninniarlunga.
Aningaasaleeriaasissamut nutaamut siunnersuummi Naalakkersuisut uku pingaartissimavaat:
- Nunatsinni inuttaasut sapinngisamik amerlanerpaat inissiamik imminut pilersornissamut periarfissinneqassasut - aamma najugaqarfinni minnerni najugaqartut.
- Innuttaasut najugaqarfinni minnerni najugaqartut aningaaserivimmit bankimilluunniit taarsigassarsisinnaanngitsut ullumikkorniit pitsaanerusumik inissiamik imminut pilersornissamut periarfissinneqassasut.
- Nammineerluni aallarniutitut aningaasaliisarneq isertitat aallaaviginagit assigiissarneqassasut.
- Inoqutigiinni isertitat nikerarnerat apeqqutaatillugu taarsigassarsiamik akilersuinissamut aaqqissuussamik pilersitsisoqassasoq.
Allannguutissamut siunnersuut maanna suliarineqarpoq, siunnersuullu tusarniaassutigineqalerpat tigulluarneqarnissaanut neriulluarpunga. Tusarniaaneq aggustip naalernerani pissasoq naatsorsuutigineqarpoq. Oqaloqatigiilluarnikkut tusarniaanermilu suleriaasikkut allannguutissatut siunnersuutinik pissarsisinnaasoqassaaq allannguisoqarsinnaassallunilu, taamaaliornikkullu allannguutissatut siunnersuummik tunngavissaqarlualerluni.”
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl