AtuartigukAqutsiveqarfimmut Paamiut-Qaqortoq qaleralittassissutit ilaneqarput
Nassiussisuuvoq: Aalisarnermut Piniarnermullu Naalakkersuisoqarfik
Naalakkersuisut juulip 19-ianni 2023-mi aalajangerput aqutsiveqarfimmut Paamiut-Qaqortoq ukiup naanissaanut aalisaannarnissaq qulakkeerniarlugu qaleralittassiissutigineqartut 350 tonsinik amerlineqassasut.
Ukioq manna qaleralittassiissutigineqartut 420 tonsiupput.
Aqutsiveqarfimmut qaleralittassiissutigineqartunit 401 tonsit juulip 16-iata tungaanut aalisarneqarput, pisassiissutinit 95 procentit aalisarneqarneqarlutik. Taamaattumik ukiup naanissaanut aalisartuarnissaq qulakkeerniarlugu qaleralittassiissutit ilaneqarput.
Sinerissap qanittuani aalisarnermi pisarineqartut uani malittarineqarsinnaapput: www.gflk.gl
Attavigineqarsinnaavoq Aalisarnermut Piniarnermullu Naalakkersuisoqarfik. APN@nanoq.gl