AtuartigukUumasunik naalliutsitsineq inuit internetikkut naapittarfiisigut siammarterneqarpoq
Nassiussisuuvoq: Aalisarnermut Piniarnermullu Naalakkersuisoqarfik
Aalisarnermut Piniarnermullu Naalakkersuisoqarfiup ilisimavaa, inuit internetikkut naapittarfiisigut uumasut naalliutsillugit videoliarineqarsimasut siammarterneqartut.
Uumasut assigiinngitsut marluk videoliarineqarsimasut qaammatini kingullerni marlunni siammarterneqarput, uumasut tassaallutik puisi aamma terianniap piaraa.
Terianniap piaraa allunaasamik pituutserlugu uumatinneqarpoq, kivinneqarsinnaasarluni. Uumasunik naalliutsitsineq Inatsisartut uumasunik illersuineq pillugu nr. 25 18. december 2003-meersoq naapertorlugu uumasut pineqartut marluk taama iliorneqarneri unioqqutitsineruvoq pillarneqaataasinnaallunilu.
Naalakkersuisoqarfiup erseqqissarusuppaa kissaatigalugulu uumasut piaraat sarliartumit, anaanaannit, peerneqassanngilluinnarmata, terianniallu maajip 15-iannit septembarip 15-iannut eqqissisimatitaasarmata.
Naalakkersuisoqarfiup innuttaasut kaammattorusuppai uumasut naalliutsillugit videoliarineqarsimasut siammarterneqassanngimmata.
Uumasunik naalliutsitsisunik ilisimasaqaruit tamanna Kalaallit Nunaanni Uumasunut Nakorsaqarfimmut Inuussutissalerinermullu Oqartussaaffimmut nalunaarutigissavat, unnga uumasut@nanoq.gl politiinulluunniit.