Nunatta Danmarkillu akornganni oqaluttuarisaanerisa qulaajarneqarnissaanut ilisimatusartoqatigiit aqutsisussaannik siunnersuuteqarnissamut kajumissaarut

Nunatsinni Ilisimatusarnermik Siunnersuisoqatigiit aammalu Danmarks Frie Forskningsfond peqatigiillutik suliakkerneqarput, Nunatta Danmarkillu akornganni oqaluttuarisaanerup qulaajarneqarnissaanut ilisimatusartoqatigiinnut aqutsisussatut piukkunnaateqarsinnaasunik Ilinniartitaanermut, Kultureqarnermut, Timersornermut Ilageeqarnermullu Naalakkersuisumut aammalu Danmarkimi ilinniartitaanermut ilisimatusarnermullu ministerimut innersuusseqqullugit.

Massakkut tamanut ammasumik una saqqummiunneqarpoq – kikkulluunniit periarfissinniarlugit, kattuffiit pisortanik inunnilluunniit ataasiakkaanik ingerlanneqartut periarfissinniarlugit – piukkussaminnik ataatsimik arlalinnilluunniit siunnersuuteqaqqullugit, inuilluunniit ataasiakkaat imminnut piukkullutik nalunaaruteqarnissaannut kajumissaarneqarput. IIlisimatusartoqatigiinnut aqutsisuusussaq Ilinniartitaanermut, Kultureqarnermut, Timersornermut Ilageeqarnermut Naalakkersuisumit aammalu Danmarkimi Ilinniartitaanermut ilisimatusarnermullu ministerimit toqqarneqartussaavoq.

Ilisimatusartoqatigiinnut aqutsisussatut piukkussamik siunnersuuteqarnissamut killiliussaavoq sapaat 1. oktobari 2023 nal. 16.00 kalaallit nalunaaqutaat malillugu/ qallunaat nunaanni nal. 20.00.
Piukkunnartussarsiorluni innersuusseqqusissut kalaallisut, qallunaatut, tuluttullu saqqummiunneqarpoq.

Naalakkersuisut, nunatsinni Danmarkimilu peqatigiillutik ulloq 9. juni 2022, Nunatta Danmarkillu akornganni sorsunnersuit aappaanniit ullumikkumut pisimasut oqaluttuarisaanerisa qulaajaaffigineqarnissaasa isumaqatigiissuteqarnerannik una aallaaveqarpoq.

Ilisimatusarluni suliniummut najoqqutassat Nunatta Danmarkillu akunnerminni oqaluttuarisaanerisa qulaajarneqarnissaanut, suliakkiutip oqaasertalersorneqarnera, Naalakkersuisut Danmarkimilu naalakkersuisut ulloq 22. juni 2023 isumaqatigiissutigaat.

Paasissutissat annertunerusut

Qinnuteqaateqartussatut piukkussatut siunnersuutinik nassiussiussiffissaapput Nunatsinni Ilisimatusarnermik Siunnersuisoqatigiinni allatsi Maliina Jensen-imut (+299 361200 / +299 222090, maje@nis.gl) aammalu Danmarks Frie Forskningsfond-mi fuldmægtigi Maria Mortensen (+45 72318180, mmor@ufm.dk) aammalu.

Nunatta Danmarkillu oqaluttuarisaanerani qulaajaanissamut tunngatillugu ilisimatusaqatigiit aqutsisussaannik toqqaanissamut tunngatillugu Ilinniartitaanermut, Kultureqarnermut, Timersornermut Ilageeqarnermullu Naalakkersuisumut apeqqutissaqaraanni kiisalu aaqqissorneqarneranut tunngatillugu immikkut siunnersorti Carl Egede Bøggild attavigineqarsinnaavoq (cegb@nanoq.gl)

Nunatta Danmarkillu oqaluttuarisaaneranni qulaajaanermut tunngatillugu ilisimatusaqatigiit aqutsisussaannik toqqaanissamut tunngatillugu apeqqutissaqaraanni kiisalu aaqqissuunneqarneranut Ilinniartitaanermut ilisimatusarnermullu ministereqarfimmut siunnersortaanermut Max Grundtvig Haug (+45 72318034, mgha@ufm.dk) attaviginnittoqarsinnaavoq.