AtuartigukIlinniartut ineqarfiinik nalinginnaasunik sanaartornermi Immikkoortoq 2-mi Nuummi sanaartugassat neqeroortitsissutigineqarnerinik taamaatitsineq
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Ilinniartut ineqarfiinik nalinginnaasunik sanaartornermi Immikkoortoq 2-mi Nuummi sanaartugassat neqeroortitsissutigineqarnerisa taamaatinneqarnissaa, Naalakkersuisut 2023-mi sisamanngornermi juunip 22-ani akuersissutigaat. Entreprenørimik neqerooruteqartumik isumaqatiginninniarnermi akimik naammaginartumik isumaqatigiissuteqarsinnaasimannginneq patsisaalluni neqeroortitsineq taamaaatinneqarpoq. Suliniutip neqeroortitsissutigineqaqqinnissaa ukiunik marlunnik-pingasunik kinguartinneqassaaq. Ineqarnermut Attaveqaasersuutinullu Naalakkersuisoqarfik, Namminersorlutik Oqartussani sanatitsisuunermik isumaginnittuusoq isumaqatiginninniartuuvoq.
Illoqarfinni pingaarnertut ilinniartoqarfiusuni tallimaasuni Ilulissani, Aasianni, Sisimiuni, Qaqortumi, Nuummilu naammattunik ilinniartunut ineqarnissaanik qulakkeerinninnissamik siunertaqarluni suliniummi ’Ilinniartut ineqarfii nalinginnaasut’-nut Immikkoortoq 2-mut atatillugu, ilinniartut ineqarfissaat neqeroortitsissutigineqarput. Ilinniartut ineqarfiinik nalinginnaasunik sanaartornermi Immikkoortoq 2-mi Ilulissani, Aasianni, Sisimiuni, Qaqortumilu ilinniartut inissaannik sanaartornissamut aningaasanik atugassiinissamik Naalakkersuisut noqqaassutigisaat, Inatsisartut Aningaasaqarnermut Akileraartarnermullu Ataatsimiititaliaata juunip 13-iani akuersissutigaa.
Nuummi ilinniartut ineqarfiini siniffissat 174-inik amerlineqarnerisigut siunissami ilinniartut ineqarfiisigut pisariaqartinneqarumaartussat iliuuseqarfigineqarnissaa, ilinniartut ineqarfiinik nalinginnaasunik sanaartornermi Immikkoortoq 2-mi Nuummi sanaartornissami siunertaasimavoq. Neqeroortitseqqissinnaanerup tungaanut Nuummi ilinniartut ineqarfiinik amerliliinissamik pisariaqartitsineq, ilinniartut ineqarfiinik nalinginnaasunik sanaartornermi Immikkoortoq 1-imi sanaartorneqartut atorneqarsinnaalerpata, avataani attartugassanik suli attartornikkut naammassineqarsinnaassasoq naatsorsuutigineqarpoq. Nuummi avataani suli attartornikkut ilinniartut ineqarfii piffissami qaninnerusumi amerlineqarsinnaassapput, Immikkoortoq 2-mimi sanaartorneqartut atulersinnaanissaat sioqqullugu siniffissat amerlanerusut qulakkeerneqassammata.
Naalakkersuisoq Erik Jensen ima oqarpoq:
”Ilinniartut ineqarfiinik nalinginnaasunik sanaartornermi Immikkoortoq 2-mi Nuummi sanaartornissaq pillugu isumaqatiginninniarneq iluatsinngimmat ajuusaarnarpoq. Inuiaqatigiinni suliassaq pingaarutilik pineqaraluartoq, pisortani sanatitsisutut akuerissallugu illersorsinnaanngisatsinnik kvadratmeterimut inaarutaasumik akigititassaq qaffasippallaarsimavoq.”
Naalakkersuisoq Aqqaluaq B. Egede ima oqarpoq:
”Nuummi neqeroortitsinermik taamaatitsisariaqarnerput ajuusaarutigigaluarlugu, neqeroortitsissutigineqaqqissinnaanissaata tungaanut Nuummi ilinniartut ineqarfiinik pisariaqartitsinermut aaqqiissutaagallartussamik nassaarsinnaasimagatta naammagisimaarnarpoq. Neqeroortitsissutigineqaqqinneranut atatillugu naammagisimaarnarnerusumik angusaqarsinnaassalluta neriuutigaara.”
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl
Illoqarfinni pingaarnertut ilinniartoqarfiusuni tallimaasuni Ilulissani, Aasianni, Sisimiuni, Qaqortumi, Nuummilu naammattunik ilinniartunut ineqarnissaanik qulakkeerinninnissamik siunertaqarluni suliniummi ’Ilinniartut ineqarfii nalinginnaasut’-nut Immikkoortoq 2-mut atatillugu, ilinniartut ineqarfissaat neqeroortitsissutigineqarput. Ilinniartut ineqarfiinik nalinginnaasunik sanaartornermi Immikkoortoq 2-mi Ilulissani, Aasianni, Sisimiuni, Qaqortumilu ilinniartut inissaannik sanaartornissamut aningaasanik atugassiinissamik Naalakkersuisut noqqaassutigisaat, Inatsisartut Aningaasaqarnermut Akileraartarnermullu Ataatsimiititaliaata juunip 13-iani akuersissutigaa.
Nuummi ilinniartut ineqarfiini siniffissat 174-inik amerlineqarnerisigut siunissami ilinniartut ineqarfiisigut pisariaqartinneqarumaartussat iliuuseqarfigineqarnissaa, ilinniartut ineqarfiinik nalinginnaasunik sanaartornermi Immikkoortoq 2-mi Nuummi sanaartornissami siunertaasimavoq. Neqeroortitseqqissinnaanerup tungaanut Nuummi ilinniartut ineqarfiinik amerliliinissamik pisariaqartitsineq, ilinniartut ineqarfiinik nalinginnaasunik sanaartornermi Immikkoortoq 1-imi sanaartorneqartut atorneqarsinnaalerpata, avataani attartugassanik suli attartornikkut naammassineqarsinnaassasoq naatsorsuutigineqarpoq. Nuummi avataani suli attartornikkut ilinniartut ineqarfii piffissami qaninnerusumi amerlineqarsinnaassapput, Immikkoortoq 2-mimi sanaartorneqartut atulersinnaanissaat sioqqullugu siniffissat amerlanerusut qulakkeerneqassammata.
Naalakkersuisoq Erik Jensen ima oqarpoq:
”Ilinniartut ineqarfiinik nalinginnaasunik sanaartornermi Immikkoortoq 2-mi Nuummi sanaartornissaq pillugu isumaqatiginninniarneq iluatsinngimmat ajuusaarnarpoq. Inuiaqatigiinni suliassaq pingaarutilik pineqaraluartoq, pisortani sanatitsisutut akuerissallugu illersorsinnaanngisatsinnik kvadratmeterimut inaarutaasumik akigititassaq qaffasippallaarsimavoq.”
Naalakkersuisoq Aqqaluaq B. Egede ima oqarpoq:
”Nuummi neqeroortitsinermik taamaatitsisariaqarnerput ajuusaarutigigaluarlugu, neqeroortitsissutigineqaqqissinnaanissaata tungaanut Nuummi ilinniartut ineqarfiinik pisariaqartitsinermut aaqqiissutaagallartussamik nassaarsinnaasimagatta naammagisimaarnarpoq. Neqeroortitsissutigineqaqqinneranut atatillugu naammagisimaarnarnerusumik angusaqarsinnaassalluta neriuutigaara.”
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl