AtuartigukUtoqqaat pillugit oqaaseqartartorlu suleqatigiinneq Naalakkersuisut atorunnaarsikkaat
Nassiussisuuvoq: Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfik
Naalakkersuisut Utoqqaat pillugit oqaaseqartartutut toqqagaat Inga Egede Utoqqaat pillugit oqaaseqartartutut juulip aallaqqaataani 2023-miit suliunnaarpoq.
Pisoqarneq pillugu Naalakkersuisut oqaaseqarsinnaanngillat, suleqatigiinnerulli taamaatinnera illua’tungeriiulluni paaseqatigiinnerup kingornatigut pinera ilisimatitsissutigisinnaavaat.
Utoqqaat pillugit oqaaseqartartup allattoqarfianut saaffiginnissutit akissuteqarfiginerisa kinguaattoortarnissaat naatsorsuutigineqassapput.
Aasap ingerlanerani Naalakkersuisut qaqugukkut Utoqqaat pillugit oqaaseqartartup nutaamik toqqaasoqarnissaq pilersaarusiorfigalugulu suliaqarfigissavaat.
Utoqqaat pillugit oqaaseqartartup saaffiginnissutit tamarmik allattoqarfiup pisortatigoortumik e-mailiannut saaffiginnissutaassapput: utoqqaat@nanoq.gl aamma oqarasuaat +299 34 64 04 / 34 57 65.
Attaveqarfissaq
Erseqqinnerusumik paasissutissarsioraanni saaffigineqassaaq naalakkersuisup allattua Helene S. Pedersen, mailikkut: hspd@nanoq.gl imaluunniit oq. + 299 34 56 11