AtuartigukUummannami Kangaatsiamilu inuusuttunut inissiassat arfineq-pingasut sanaartorneqassapput
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Uummannami Kangaatsiamilu inuusuttunut inissiassanik arfineq-pingasunik sanaartortitsinissamut aningaasanik atugassanngortitsisoqarnissaanik Naalakkersuisut noqqaassutaannik, Inatsisartut Aningaasaqarnermut Akileraartarnermullu Ataatsimiititaliap akuersissuteqarnera Ineqarnermut Attaveqaasersuutinullu Naalakkersuisup Erik Jensen-ip nuannaarutigingaarpaa. Najukkani oqartussat suleqatigalugit nunaminertani toqqakkani, inuusuttunut inissiassat sanaartorneqassapput.
Akuersissuteqarnikkut maanna inaarutaasumik isumaqatigiissusiortoqarsinnaalerpoq, ukiartinnagulu sanaartornerit aallartissinnaaqqullugit atortussat inniminneerneqarsinnaalerlutik. Sanaartukkat 2025-p aallartinnerani naammassillugit tunniunneqassasut, atulissasullu naatsorsuutigineqarpoq.
Nunatsinni najukkani minnerusuni inuusuttunut inissianik pisariaqartitsinerup iliuuseqarfigineqarnissaa, inuusuttunut inissialiorniarnermi siunertaavoq. Inuusuttorpassuit nunartik qimakkusunngikkaluarlugu, pisariaqartitaminnut naleqquttumik inissaqarneq ajorlutik oqaatiginikuuaat.
Ineqarnermut Attaveqaasersuutinullu Naalakkersuisoq ima oqarpoq:
”Najukkani minnerusuni inuusuttunut inissialiortiternissaq pillugu isumaqatiginninniarnerit naammassisimallugit kingumut nalunaaruteqarsinnaagatta nuannerpoq. Inuusuttut inersimasutut namminiilerlutik aallartilluarnissaannut, inuusuttunut inissiassat pillugit pilersaarusiaq suliniutaavoq pingaarutilik.”
Inuusuttunut inissiassat pillugit pilersaarusiaq
Inissiat najukkani minnerusuni pisariitsumik sanaartorneqarsinnaanissaat kiisalu aningaasaqarneq, avatangiisit/silap pissussaa, inooqatigiinnermilu pissutsit oqimaaqatigiissinneqarlutik piujuartitsinissaq, pitsaassuserlu pillugit pingaarnertut takorluukkamut inissiassat naapertuunnissaat aallaaviulluni, nalinginnaasumik pilersaarusiamut atatillugu inuusuttunut inissiassat ineriartortinneqarput.
Inuusuttup nammineq ineqalernissaanut ikiorneqarluni inersimasutut namminiilernissaanut, suliniut alloriarfissatut eqqarsaatigineqarpoq. Inuusuttup nammineq initaarnissaa ajornannginnerulersikkumallugu, nuukkuni aningaasartuutissai minnerpaaffimmiisinneqarsinnaanngorlugit inissiat tamarmik nalinginnaasunik pisatsersugaassapput.
Inissiat ataatsimik initaqarlutik tamakkerlutik 45 m²-it missaannik angitigissapput, torsuusallu angisuup saniatigut errorfilimmik, errorsivimmullu inissaqartitsisumik errorsisarfeeraqassalluni. Errorsisarfeeqqamit uffarfimmut/perusuersartarfimmut, inimullu isaariaqassaaq. Ini nerisarfiutigisumik igaffittaqassaaq, nalaasaarfittaqassaaq siniffimmullu immikkoortoqassalluni. Qerititsiveqarfimmik piniutaasivimmillu pisariaqartitsinissaq aamma eqqarsaatigineqarput, taakkualu quimut illumut atasumut inissinneqarsinnaassallutik.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl
Akuersissuteqarnikkut maanna inaarutaasumik isumaqatigiissusiortoqarsinnaalerpoq, ukiartinnagulu sanaartornerit aallartissinnaaqqullugit atortussat inniminneerneqarsinnaalerlutik. Sanaartukkat 2025-p aallartinnerani naammassillugit tunniunneqassasut, atulissasullu naatsorsuutigineqarpoq.
Nunatsinni najukkani minnerusuni inuusuttunut inissianik pisariaqartitsinerup iliuuseqarfigineqarnissaa, inuusuttunut inissialiorniarnermi siunertaavoq. Inuusuttorpassuit nunartik qimakkusunngikkaluarlugu, pisariaqartitaminnut naleqquttumik inissaqarneq ajorlutik oqaatiginikuuaat.
Ineqarnermut Attaveqaasersuutinullu Naalakkersuisoq ima oqarpoq:
”Najukkani minnerusuni inuusuttunut inissialiortiternissaq pillugu isumaqatiginninniarnerit naammassisimallugit kingumut nalunaaruteqarsinnaagatta nuannerpoq. Inuusuttut inersimasutut namminiilerlutik aallartilluarnissaannut, inuusuttunut inissiassat pillugit pilersaarusiaq suliniutaavoq pingaarutilik.”
Inuusuttunut inissiassat pillugit pilersaarusiaq
Inissiat najukkani minnerusuni pisariitsumik sanaartorneqarsinnaanissaat kiisalu aningaasaqarneq, avatangiisit/silap pissussaa, inooqatigiinnermilu pissutsit oqimaaqatigiissinneqarlutik piujuartitsinissaq, pitsaassuserlu pillugit pingaarnertut takorluukkamut inissiassat naapertuunnissaat aallaaviulluni, nalinginnaasumik pilersaarusiamut atatillugu inuusuttunut inissiassat ineriartortinneqarput.
Inuusuttup nammineq ineqalernissaanut ikiorneqarluni inersimasutut namminiilernissaanut, suliniut alloriarfissatut eqqarsaatigineqarpoq. Inuusuttup nammineq initaarnissaa ajornannginnerulersikkumallugu, nuukkuni aningaasartuutissai minnerpaaffimmiisinneqarsinnaanngorlugit inissiat tamarmik nalinginnaasunik pisatsersugaassapput.
Inissiat ataatsimik initaqarlutik tamakkerlutik 45 m²-it missaannik angitigissapput, torsuusallu angisuup saniatigut errorfilimmik, errorsivimmullu inissaqartitsisumik errorsisarfeeraqassalluni. Errorsisarfeeqqamit uffarfimmut/perusuersartarfimmut, inimullu isaariaqassaaq. Ini nerisarfiutigisumik igaffittaqassaaq, nalaasaarfittaqassaaq siniffimmullu immikkoortoqassalluni. Qerititsiveqarfimmik piniutaasivimmillu pisariaqartitsinissaq aamma eqqarsaatigineqarput, taakkualu quimut illumut atasumut inissinneqarsinnaassallutik.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl