AtuartigukPeqqinnissaqarfimmi sulisut WHO-p nersornaasiuttagaanik nersornaaserneqartut
Nassiussisuuvoq: Peqqissutsimut Naalakkersuisoqarfik
Kalaallit Nunaanni Peqqinnissaqarfimmi sulisut WHO-p nersornaasiuttagaanik, WHO Regional Director for Europe’s Awardimik nersornaaserneqarput. Nersornaat naak sulinermi atugassarititaasut ajornakusooraluartut sulisussaaleqisoqaraluartorlu WHO-p Europami nunap immikkoortuani sulisut peqqissutsimik inuunermilu atugarissaarnermik annertuumik pilersitseqataasunik nersorinninniutaavoq.
Nersornaasiinermut tunngavilersuutitut WHO-p nunap immikkoortuani pisortap Dr. Hans Henri P. Klugep ilaatigut sulisut COVID-19-imik nunarsuaq tamakkerlugu nappaalasoqarnerani, hepatitis B-mik suliaqarnerannik, video atorlugu, telemedicin, nakorsiartitsisarnernik atuinerni aamma nunatsinni peqqissuseq pillugu ilisimatusarneranni immikkut suliniuteqarsimanerat pingaartippaa.
”WHO-p nersornaasiuttagaata peqqinnissaqarfimmi sulisunut tunniunneqarnera pillugu nutaarsiassiisinnaagama nuannaaqaanga. Tamanna peqqinnissaqarfimmi sulisut pisariaqartumik akuerineqarluarnerannik nersorinninniutaavoq, sulisummi ullut tamaasa assorujussuaq pingaarutilerujussuarmillu sulisarput. Tamanna ilutigalugu WHO-mi nunarput nunallu inoqqaavisa peqqissusiat isumaqatigiissummi nutaami nalinginnaasumik qitiutitsineq pitsaasuusoq isumaqarpunga”, Peqqissutsimut Naalakkersuisoq, Mimi Karlsen, oqarpoq.
Nersornaat kingusinnerusukkut peqqinnissaqarfimmi sulisunut tunniunneqassaaq. Pilersaarusiortoqalereerpoq.
Piffissami aggersumi Naalakkersuisut aamma WHO-mi Europami nunap immikkoortuani allaffimmi suleqatigiit akornanni suleqatigiinneq annertusarneqarsinnaanersoq misissorniarpaat. Nukittorsakkamik suleqatigiinnermi ilaatigut tuberkulosemik aamma kinguaassiutitigut tunillaassuuttunik nappaatinik akiuiniarnerit tarnikkullu peqqissutsimik qitiutitsinerit.
Paasisaqarnerorusukkuit Naalakkersuisup allattaa Naja Lynge Petersen e-mail: nalp@nanoq.gl imaluunniit oqarasuaammut uunga +299 34 66 41 attaveqarfigisinnaavat.
Nersornaasiinermut tunngavilersuutitut WHO-p nunap immikkoortuani pisortap Dr. Hans Henri P. Klugep ilaatigut sulisut COVID-19-imik nunarsuaq tamakkerlugu nappaalasoqarnerani, hepatitis B-mik suliaqarnerannik, video atorlugu, telemedicin, nakorsiartitsisarnernik atuinerni aamma nunatsinni peqqissuseq pillugu ilisimatusarneranni immikkut suliniuteqarsimanerat pingaartippaa.
”WHO-p nersornaasiuttagaata peqqinnissaqarfimmi sulisunut tunniunneqarnera pillugu nutaarsiassiisinnaagama nuannaaqaanga. Tamanna peqqinnissaqarfimmi sulisut pisariaqartumik akuerineqarluarnerannik nersorinninniutaavoq, sulisummi ullut tamaasa assorujussuaq pingaarutilerujussuarmillu sulisarput. Tamanna ilutigalugu WHO-mi nunarput nunallu inoqqaavisa peqqissusiat isumaqatigiissummi nutaami nalinginnaasumik qitiutitsineq pitsaasuusoq isumaqarpunga”, Peqqissutsimut Naalakkersuisoq, Mimi Karlsen, oqarpoq.
Nersornaat kingusinnerusukkut peqqinnissaqarfimmi sulisunut tunniunneqassaaq. Pilersaarusiortoqalereerpoq.
Piffissami aggersumi Naalakkersuisut aamma WHO-mi Europami nunap immikkoortuani allaffimmi suleqatigiit akornanni suleqatigiinneq annertusarneqarsinnaanersoq misissorniarpaat. Nukittorsakkamik suleqatigiinnermi ilaatigut tuberkulosemik aamma kinguaassiutitigut tunillaassuuttunik nappaatinik akiuiniarnerit tarnikkullu peqqissutsimik qitiutitsinerit.
Paasisaqarnerorusukkuit Naalakkersuisup allattaa Naja Lynge Petersen e-mail: nalp@nanoq.gl imaluunniit oqarasuaammut uunga +299 34 66 41 attaveqarfigisinnaavat.