Kitsissunnguit eqqissisimatitaapput

Kalaallit Nunaanni Aalisarsinnaanermut Akuersissutinik Nakkutilliisoqarfik, KANUAANA, Ukioq 2023 aallartilaartoq angallammik nakkutilliissummik pisaarpoq tassaasoq NANOQ IV. Maannamullu nakkutilliilluni Kalaallit Nunaata sineriaani angalalereerluni sumiiffinnut arlalinnut siusinnerusumik nakkutilliiartorsinnaalerluni.

NANOQ IV qeqertanut Kitsissunnguanut Aasiaat pigisaanni juunip 13-ianni 2023-mi nakkutilliiartorluni angalavoq. Kitsissunnguit Naalakkersuisut nalunaarusiaanni 2008-meersumi eqqissisimatitaapput. Kitsissunnguit tikinneqarput qassuteqarnersut aamma allanik pinartoqarnersoq alapernaaffigineqarluni.

Kitsissunnguit tikinneqarmata paasinarsivoq qassuteqartoq 12-nik atortorpassuaqarlunilu igitassanillu peqartoq aalisareersimanerup kingunerisaanik. Aamma paasineqarpoq inuit arlallit imeqqutaallat manniinik katersisimasut, manniit 103-t katersorneqarsimapput, tamannalu unioqqutitsineruvoq Naalakkersuisut nalunaarusiaat innersuussutigalugu,

Kitsissunnguit eqqissisimatitaanerannut 2008-meersoq.
Aasianni politiit isumasioreerlugit imeqqutaallat mannii arsaarinnissutigineqarput kingornalu aserorterneqarlutik.

Inuit manninnik katersisimasut politiinut unnerluussassanngortinneqarput. Eqqartuussivimmullu ingerlateqqinnissaat piumasarineqarluni.
KANUAANA-mit innuttaasut eqqissisimatitsinermut malittarisassat ataqqilluinnassagaat erseqqissaatigerusuppaa, tassani pineqarput Kitsissunnguit aamma eqqissimatitaanermut sumiiffiit allat aamma imeqqutaallat eqqissisimatinnissaat taakkulu manniinik katersinnginnissaq inassutigineqarpoq.

Attavigineqarsinnaavoq: Aalisarnermut nakkutilliisoqarfimmi pisortaq, Claus E. Nielsen. gflk@nanoq.gl