AtuartigukNaligiissitaanermut Siunnersuisoqatigiinni siulersuisoq ilaasortarlu nutaaq
Nassiussisuuvoq: Aningaasaqarnermut Naligiissitaanermullu Naalakkersuisoqarfik
Naligiissitaanermut Siulersuisoqatigiinni Kathrine Bødkerip siulittaasutut tunuarnera pissutigalugu, Naalakkersuisut toqqarneqartussatut inassutigineqartut aallaavigalugit matumuuna nalunaarutigivaat siulersuisunut siulittaasussamik kiisalu ilaasortassamik toqqaasoqarmat.
Naligiissitaanermut Siunnersuisoqatigiit ullormut 31. december 2026-mut atuuffeqassapput.
Naalakkersuisut nuannaarutigalugu nalunaarutigisinnaavaat Britta Keldsen Kalaallit Nunaanni Naligiissitaanermut Siunnersuisoqatigiinnut siulittaasutut toqqarneqarmat, Erni Kristiansenilu siunnersuisoqatigiinnut ilaasortatut toqqarneqarluni.
Britta Keldsen Sulisitsisunit toqqarneqarpoq, aammalu Kathrine Bødkerip tunuarneraniit Naligiissitaanermut Siunnersuisoqatigiinni siulittaasutut inissisimalluni.
Erni Kristiansen, Sipineq+-imit toqqarneqarpoq.
Naligiissitaanermut Siunnersuisoqatigiinnut ilaasortat katitigigaanerat ima isikkoqarpoq:
- Britta Keldsen, Sulisitsisunit inassutigineqartoq (siunnersuisoqatigiinni siulittaasoq)
- Rasmine Hansen, MIO-mit inassutigineqartoq
- Grethe Siegstad, meeqqanik ilaqutariinnillu katsorsaasarnermut immikkoortortaqarfimmit inassutigineqartoq
- Mads Pedersen, Atorfillit Kattuffiannit inassutigineqartoq
- Sofus Fenger Hove, Greenland+-imit inassutigineqartoq
- Mikkel Andreasen, Unicef-imit aamma Peqatigiiffik Kalaallit Meerartaannit inassutigineqartoq
- Erni Kristiansen, Sipineq+-imit inassutigineqartoq
Paasissutissanik annertunerusunik piniarnermi A/C Fuldmægtig Najaaraq Josefsen (najn@nanoq.gl) imaluunniit Naalakkersuisup Allattaa Jeanette L. Petersen (jelp@nanoq.gl) Aningaasaqarnermut Naligiissitaanermullu Naalakkersuisoqarfimmiittut attavigineqarsinnaapput.