AtuartigukAatsaat taamak pisoqartoq: Kalaallit Nunaanni umiartortut pisinnaatitaaffiinut Danmarkip akisussaalluni nassuerutigaa
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Kalaallit Nunaanni umiartortut sulinermi atugarissaarnerunissaannut pingaarutilimmik alloriarneq Naalakkersuisup Erik Jensenip, Atorfillit Kattuffianeersullu Dina Olsenip malunnartippaat. Suliaq ukiuni 35-ni suliarineqareersorlu, Kalaallit Nunaanni umiartortunut sulinermi atugassarititaasut akisussaaffigalugit erhvervsministeriap nassuerutigaa. Umiartortunut sulinermi pitsaanerusumik atugassaqalersitsinissaminnut, illersuinerunissaminnullu Naalakkersuisut qilanaarput.
Umiartortut atorfeqarnerini atugassarititaasut Namminersorlutik Oqartussat akisussaaffigineraat, imaluunniit naalagaaffiup akisussaaffigineraa ukiorpassuarni nalornissutigineqarnikuuvoq. Kalaallit Nunaata 1985-imi suliassaqarfimmik ”Kalaallit Nunaanni namminersorluni suliffeqarfinni (Pituffik ilaatigut minillugu) akissarsiat, atorfinitsitsinermilu atugassarititaasut pillugit aalajangersakkanik aalajangiisinnaanermut piginnaatitsissut, matumani Danmarkimi iluarsiissutaasartut tunngavigalugit iluarsiissutigineqartarlutik akissarsiat il.il. akitsuutinut iluarsineqartarnerat ilanngullugu.” tigusineraniilli tamanna nalornissutigineqarpoq.
Tamassuma paasineqarnissaa Inatsisartuni aamma oqaluuserineqarnikuuvoq. Kingullermik 2017-imi upernaakkut ataatsimiinnermi tamassuma oqaluuserineqarneranut atatillugu, Naalakkersuisut Naalagaaffeqatigiinnermi Oqartussaasunut saaffiginnissuteqaqquneqarput.
Suliassaqarfik ilumut tiguneqarsimanersoq Naalakkersuisut, Naalagaaffeqatigiinnermilu Oqartussaasut allaffissornikkut piffissami sivisuumi eqqartueqatigiinnikuupput, tassungalu tunngatillugu paasinninnerit assigiinngissimallutik.
Ineqarnermut Attaveqaasersuutinullu Naalakkersuisoqarfiup pitsaasumik kinguneqartumillu Atorfillit Kattuffiat ataavartumik suleqateqatiginikuuaa, aammalu aalisartut umiartortullu allat sulinerini atugassarititaasut pillugit inatsisitigut tunngavissaqannginneq pillugu Atorfillit Kattuffiat ilisimasanik tapersiisimalluni.
Ineqarnermut Attaveqaasersuutinullu Naalakkersuisoq Erik Jensen, Erhvervsminister Morten Bødskovimut allakkiani 2023-mi februaarip 7-iani nassiuppaa.
Danmarkimi umiartortut inatsisitigut pisinnaatitaaffiisa assinginik, kalaallit umiartortut inatsisitigut pisinnaatitaaffeqarnissaasa pisariaqassusaa Erik Jensenip allakkiamini erseqqissaatigaa. Malitsigisaanik kaammattuutigaa, Umiartortut atorfeqarnerini atugassarititaasut pillugit Inatsit Kunngip peqqussutaatigut Kalaallit Nunaanni atortuulersinneqarnissaa pillugu sulineq aallartinneqassasoq.
Naalakkersuisoq Erhvervsminister Morten Bødskovimit akissutisigami suliassaqarfik naalagaaffiup akisussaaffigigaa Morten Bødskovip uppernarsarpaa, Umiartortullu atorfeqarnerini atugassarititaasut kunngip peqqussutaatigut atortuulersinneqarnissaanik noqqaassut akueralugu.
Ineqarnermut Attaveqaasersuutinullu Naalakkersuisoq Erik Jensen, ima oqarpoq:
”Kalaallit umiartortut pisinnaatitaaffigissaarnerulissammata, illersugaanerulissammatalu tamanna kalaallinut umiartortunut annertuumik allannguissaaq.”
Erik Jensen nangilluni oqarpoq:
”Kalaallit Nunaat tulluusimaarnartumik imarsiortut nunagaat, aalisartutsinnullu ukiorpassuarni pitsaanerusumik atugassaqartariaqarsimagaluartunut allanngueqataasinnaagama uannut isumalerujussuuvoq. Politikkimi tassaavoq innuttaasunut pitsaasumik allanngueqataasinnaaneq.”
Atorfillit Kattuffianni siulittaasoq Dina Olsen ima oqarpoq:
”Atorfillit Kattuffiata suliaq una sivisuumik anguniarpaa, maannalu siunissamut aaqqiissuteqartoqarmat nuannaarutigaara. Ilaasortatta illersorneqarnissaannut aallaavissatsinnik inatsisitigut tunngavissaqarnissarput kiisami qulakkeersinnaalerparput.”
Inatsisip Kalaallit Nunaanni immikkuullarissumik pissutsinut naleqqussarneqarnissaa pillugu, Ineqarnermut Attaveqaasersuutinullu Naalakkersuisoqarfik naalagaaffeqatigiinnermi oqartussaasunik attuumassuteqartunik ataavartumik suleqateqarpoq. Tassunga tunngatillugu inatsisip naleqqussarneqarnissaa, suliassamik suliarinnittussanit Danmarkimi suliarineqarpoq.
Inatsit naleqqussarneqarsimaleriarpat, Umiartortut Atorfeqarnerini Atugassarititaasut pillugit Inatsit atortuulersinneqarsinnaassasoq naatsorsuutigineqarpoq.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl
Umiartortut atorfeqarnerini atugassarititaasut Namminersorlutik Oqartussat akisussaaffigineraat, imaluunniit naalagaaffiup akisussaaffigineraa ukiorpassuarni nalornissutigineqarnikuuvoq. Kalaallit Nunaata 1985-imi suliassaqarfimmik ”Kalaallit Nunaanni namminersorluni suliffeqarfinni (Pituffik ilaatigut minillugu) akissarsiat, atorfinitsitsinermilu atugassarititaasut pillugit aalajangersakkanik aalajangiisinnaanermut piginnaatitsissut, matumani Danmarkimi iluarsiissutaasartut tunngavigalugit iluarsiissutigineqartarlutik akissarsiat il.il. akitsuutinut iluarsineqartarnerat ilanngullugu.” tigusineraniilli tamanna nalornissutigineqarpoq.
Tamassuma paasineqarnissaa Inatsisartuni aamma oqaluuserineqarnikuuvoq. Kingullermik 2017-imi upernaakkut ataatsimiinnermi tamassuma oqaluuserineqarneranut atatillugu, Naalakkersuisut Naalagaaffeqatigiinnermi Oqartussaasunut saaffiginnissuteqaqquneqarput.
Suliassaqarfik ilumut tiguneqarsimanersoq Naalakkersuisut, Naalagaaffeqatigiinnermilu Oqartussaasut allaffissornikkut piffissami sivisuumi eqqartueqatigiinnikuupput, tassungalu tunngatillugu paasinninnerit assigiinngissimallutik.
Ineqarnermut Attaveqaasersuutinullu Naalakkersuisoqarfiup pitsaasumik kinguneqartumillu Atorfillit Kattuffiat ataavartumik suleqateqatiginikuuaa, aammalu aalisartut umiartortullu allat sulinerini atugassarititaasut pillugit inatsisitigut tunngavissaqannginneq pillugu Atorfillit Kattuffiat ilisimasanik tapersiisimalluni.
Ineqarnermut Attaveqaasersuutinullu Naalakkersuisoq Erik Jensen, Erhvervsminister Morten Bødskovimut allakkiani 2023-mi februaarip 7-iani nassiuppaa.
Danmarkimi umiartortut inatsisitigut pisinnaatitaaffiisa assinginik, kalaallit umiartortut inatsisitigut pisinnaatitaaffeqarnissaasa pisariaqassusaa Erik Jensenip allakkiamini erseqqissaatigaa. Malitsigisaanik kaammattuutigaa, Umiartortut atorfeqarnerini atugassarititaasut pillugit Inatsit Kunngip peqqussutaatigut Kalaallit Nunaanni atortuulersinneqarnissaa pillugu sulineq aallartinneqassasoq.
Naalakkersuisoq Erhvervsminister Morten Bødskovimit akissutisigami suliassaqarfik naalagaaffiup akisussaaffigigaa Morten Bødskovip uppernarsarpaa, Umiartortullu atorfeqarnerini atugassarititaasut kunngip peqqussutaatigut atortuulersinneqarnissaanik noqqaassut akueralugu.
Ineqarnermut Attaveqaasersuutinullu Naalakkersuisoq Erik Jensen, ima oqarpoq:
”Kalaallit umiartortut pisinnaatitaaffigissaarnerulissammata, illersugaanerulissammatalu tamanna kalaallinut umiartortunut annertuumik allannguissaaq.”
Erik Jensen nangilluni oqarpoq:
”Kalaallit Nunaat tulluusimaarnartumik imarsiortut nunagaat, aalisartutsinnullu ukiorpassuarni pitsaanerusumik atugassaqartariaqarsimagaluartunut allanngueqataasinnaagama uannut isumalerujussuuvoq. Politikkimi tassaavoq innuttaasunut pitsaasumik allanngueqataasinnaaneq.”
Atorfillit Kattuffianni siulittaasoq Dina Olsen ima oqarpoq:
”Atorfillit Kattuffiata suliaq una sivisuumik anguniarpaa, maannalu siunissamut aaqqiissuteqartoqarmat nuannaarutigaara. Ilaasortatta illersorneqarnissaannut aallaavissatsinnik inatsisitigut tunngavissaqarnissarput kiisami qulakkeersinnaalerparput.”
Inatsisip Kalaallit Nunaanni immikkuullarissumik pissutsinut naleqqussarneqarnissaa pillugu, Ineqarnermut Attaveqaasersuutinullu Naalakkersuisoqarfik naalagaaffeqatigiinnermi oqartussaasunik attuumassuteqartunik ataavartumik suleqateqarpoq. Tassunga tunngatillugu inatsisip naleqqussarneqarnissaa, suliassamik suliarinnittussanit Danmarkimi suliarineqarpoq.
Inatsit naleqqussarneqarsimaleriarpat, Umiartortut Atorfeqarnerini Atugassarititaasut pillugit Inatsit atortuulersinneqarsinnaassasoq naatsorsuutigineqarpoq.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl