AtuartigukSinerissap qanittuani aalisarluartoqarpoq - Qeqertarsuup Tunuani aalisarnerup ingerlatiinnarnissaa qulakkeerneqarpoq
Nassiussisuuvoq: Aalisarnermut Piniarnermullu Naalakkersuisoqarfik
Aqutsiveqarfik Qeqertarsuup Tunuani umiatsiaaqqamik aalisartut aalisarluartorujussuupput, qaleralillillu 260 tonsit sapaatip akunnerani kingullermi aalisarneqarlutik. Qaleralinnik 85 tonsinik amerlanerusunik sapaatip akunneranut siulianut sanilliullugu aalisartoqarluni. Qaammatit pingasukkaartut, kvartalip aappaanni pisassiissutit ullunik 14-inik sioqqutsilluni tamakkerneqaleraluarput.
Taamaattumik Aalisarnermut Piniarnermullu Naalakkersuisup qaammatit pingasukkaartut, kvartalit aappaanni pisassiissutit juunip 15-ianni 2023-mi nalimmassarpai, qaammatit pingasukkaartut, kvartalit pingajuannit aamma sisamaannit pisassiissutinit nuussilluni. Taamaalilluni aalisarneq juunimi ingerlaannarsinnaanngorpoq aqutsiveqarfimmilu tunitsivinni suliassaqartitsinerit qulakkeerneqarlutik.
Qaammatit pingasukkaartut, kvartalit aappaanni pisassiissutit immikkut 800 tonsinik nalimmassaavigineqarput. Taamaasilluni qalerallit aalisarneqarsinnaasut 1.011 tonsit sinneruttut juunip naanissaanut aalisarneqarsinnaassapput.
Qaammatinut pingasunut, kvartalinut, pisassiissutit aamma aalisarneqarsimasut nalunaarsorneqarneri uani www.gflk.gl-mi atuarneqarsinnaapput malinnaavigineqarlutillu.
Paasisaqarnerorusukkuit Aalisarnermut Piniarnermullu Naalakkersuisoqarfik apn@nanoq.gl attavigalugu saaffigiuk.
Taamaattumik Aalisarnermut Piniarnermullu Naalakkersuisup qaammatit pingasukkaartut, kvartalit aappaanni pisassiissutit juunip 15-ianni 2023-mi nalimmassarpai, qaammatit pingasukkaartut, kvartalit pingajuannit aamma sisamaannit pisassiissutinit nuussilluni. Taamaalilluni aalisarneq juunimi ingerlaannarsinnaanngorpoq aqutsiveqarfimmilu tunitsivinni suliassaqartitsinerit qulakkeerneqarlutik.
Qaammatit pingasukkaartut, kvartalit aappaanni pisassiissutit immikkut 800 tonsinik nalimmassaavigineqarput. Taamaasilluni qalerallit aalisarneqarsinnaasut 1.011 tonsit sinneruttut juunip naanissaanut aalisarneqarsinnaassapput.
Qaammatinut pingasunut, kvartalinut, pisassiissutit aamma aalisarneqarsimasut nalunaarsorneqarneri uani www.gflk.gl-mi atuarneqarsinnaapput malinnaavigineqarlutillu.
Paasisaqarnerorusukkuit Aalisarnermut Piniarnermullu Naalakkersuisoqarfik apn@nanoq.gl attavigalugu saaffigiuk.