AtuartigukKangerlussuup umiarsualiviani atuisut akiliisalernissaat pillugu tusagassiorfinnut nalunaarut
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Kangerlussuup umiarsualivianni atuisut akiliisalissasut Naalakkersuisut aalajangerpaat, tamannalu 17. april 2023-mi tamanut saqqummiunneqarluni. Tassunga atatillugu nalunaarutigineqarpoq, umiarsuit takornariartaatit tikittalernissaat sioqqullugu akigititanut allattorsimaffimmik suliaqartoqarnissaanut atatillugu Naalakkersuisut Sikukimik oqaloqatiginninniartut.
Ilaatigut umiarsuarnut takornariartaatinut iluaqutaasussamik umiarsualivimmi pissutsit pitsanngorsarniarlugit, nunatsinni takornarissanut tikitassat piukkunnarnerpaat ilaanni, Kangerlussuup umiarsualiviani atuisunut akiliisitsisoqartalissaaq.
Umiarsualivimmi isumannaallisaanikkut atoruminassutsikkullu pitsannguisussanik sulianik aallartitsisoqarpoq. Aningaasartuutit matussuserniarlugit atuisunik akiliisitsisoqassaaq, tamannalu umiarsualiviup ingerlanneqarneranni aningaasartuutivinnut naapertuuttussaassalluni.
VisitGreenlandip nassuiaataat kingulleq ”En kortlægning af den grønlandske krydstogtindustri” (Kalaallit Nunaanni umiarsuarnik takornariartitsinermi tunisassiorneq pillugu misissuineq) tunngavigalugu Naalakkersuisut paasinninnerat naapertorlugu maanna akitsuusiisarnerup, umiarsualivinnik allisaanissamut aserfallatsaaliuinermullu iluaqutaasinnaasup naliiiffigineqaqqinnissaa ilusileqqinneqarnissaalu ujartorneqarpoq.
Umiarsualivimmi pissutsit pitsanngorsarniarneranni aningaasartuutit annertungaatsiassasut suliniutip aallartisarnerani paasinarsivoq. Taamaammat Sikuki Namminersorlutillu Oqartussat aningaasartuutit qanoq agguataarneqarnissaannut atatillugu oqaloqatigiipput.
Umiarsuakkut takornariartitsinermik suliaqartut kissaataat Naalakkersuisunit tusaatissatut tiguneqarput, sapinngisamillu naammassiniarneqassallutik. Tamanna isumaqarpoq, umiarsuakkut takornariartitsinermik suliaqartut aningaasartuutaat siunissami umiarsuakkut takornariartitsinermik suliaqartunut pitsannguutigineqartunut naleqatigiissasut.
VisitGreenlandip nassuiaataata kingulliup takutippaa, umiarsuakkut takornariartitsinermik suliaqartut nunatsinni umiarsualiviit allisarnissaannut aserfallatsaaliornissaannullu tapersiiniartut.
Ineqarnermut Attaveqaasersuutinullu Naalakkersuisoq Erik Jensen ima oqaaseqarpoq:
"Umiarsuakkut takornariartitsinermik suliaqartut umiarsualivinnik tamatta atortakkatsinnik allisaanissamut aserfallatsaaliuinissamullu erseqqarissumik tapersiiniarnerat Naalakkersuisut nuannaarutigaat."
Erik Jensen nangillugu oqarpoq:
”Sullitatik pitsaanerusunik atugassaqalernissaat siunertaralugu umiarsuakkut takornariartitsinermik suliaqartut aningaasaleerusuttut paasinarluinnarpoq. Naalakkersuisut sinnerlugit naqissuserusuppara, uagut aamma nunatsinnut tikeraat pitsaanerpaamik misigisaqarnissaat soqutigisarigatsigu."
Naalakkersuisut naatsorsuutigaat, siunissami qaninnerusumi akigititat allattorsimaffiannik akuerisamik saqqummiisoqarumaartoq, taakkulu juulip aallaqqaataaniit atuutilersinneqarsinnaassasut. Akigititat allattorsimaffissaat nunani tamalaani umiarsualiviit niuernermik tunngaveqarluni ingerlanneqartut akigititaannut naleqqiunneqarsinnaanissaat naatsorsuutigineqarpoq.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl
Ilaatigut umiarsuarnut takornariartaatinut iluaqutaasussamik umiarsualivimmi pissutsit pitsanngorsarniarlugit, nunatsinni takornarissanut tikitassat piukkunnarnerpaat ilaanni, Kangerlussuup umiarsualiviani atuisunut akiliisitsisoqartalissaaq.
Umiarsualivimmi isumannaallisaanikkut atoruminassutsikkullu pitsannguisussanik sulianik aallartitsisoqarpoq. Aningaasartuutit matussuserniarlugit atuisunik akiliisitsisoqassaaq, tamannalu umiarsualiviup ingerlanneqarneranni aningaasartuutivinnut naapertuuttussaassalluni.
VisitGreenlandip nassuiaataat kingulleq ”En kortlægning af den grønlandske krydstogtindustri” (Kalaallit Nunaanni umiarsuarnik takornariartitsinermi tunisassiorneq pillugu misissuineq) tunngavigalugu Naalakkersuisut paasinninnerat naapertorlugu maanna akitsuusiisarnerup, umiarsualivinnik allisaanissamut aserfallatsaaliuinermullu iluaqutaasinnaasup naliiiffigineqaqqinnissaa ilusileqqinneqarnissaalu ujartorneqarpoq.
Umiarsualivimmi pissutsit pitsanngorsarniarneranni aningaasartuutit annertungaatsiassasut suliniutip aallartisarnerani paasinarsivoq. Taamaammat Sikuki Namminersorlutillu Oqartussat aningaasartuutit qanoq agguataarneqarnissaannut atatillugu oqaloqatigiipput.
Umiarsuakkut takornariartitsinermik suliaqartut kissaataat Naalakkersuisunit tusaatissatut tiguneqarput, sapinngisamillu naammassiniarneqassallutik. Tamanna isumaqarpoq, umiarsuakkut takornariartitsinermik suliaqartut aningaasartuutaat siunissami umiarsuakkut takornariartitsinermik suliaqartunut pitsannguutigineqartunut naleqatigiissasut.
VisitGreenlandip nassuiaataata kingulliup takutippaa, umiarsuakkut takornariartitsinermik suliaqartut nunatsinni umiarsualiviit allisarnissaannut aserfallatsaaliornissaannullu tapersiiniartut.
Ineqarnermut Attaveqaasersuutinullu Naalakkersuisoq Erik Jensen ima oqaaseqarpoq:
"Umiarsuakkut takornariartitsinermik suliaqartut umiarsualivinnik tamatta atortakkatsinnik allisaanissamut aserfallatsaaliuinissamullu erseqqarissumik tapersiiniarnerat Naalakkersuisut nuannaarutigaat."
Erik Jensen nangillugu oqarpoq:
”Sullitatik pitsaanerusunik atugassaqalernissaat siunertaralugu umiarsuakkut takornariartitsinermik suliaqartut aningaasaleerusuttut paasinarluinnarpoq. Naalakkersuisut sinnerlugit naqissuserusuppara, uagut aamma nunatsinnut tikeraat pitsaanerpaamik misigisaqarnissaat soqutigisarigatsigu."
Naalakkersuisut naatsorsuutigaat, siunissami qaninnerusumi akigititat allattorsimaffiannik akuerisamik saqqummiisoqarumaartoq, taakkulu juulip aallaqqaataaniit atuutilersinneqarsinnaassasut. Akigititat allattorsimaffissaat nunani tamalaani umiarsualiviit niuernermik tunngaveqarluni ingerlanneqartut akigititaannut naleqqiunneqarsinnaanissaat naatsorsuutigineqarpoq.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl