AtuartigukInaarutaasumik isumaqatigiissut atsiorneqarpoq
Nassiussisuuvoq: Naalakkersuisut Siulittaasuata Naalakkersuisoqarfia
Naalakkersuisut Siulittaasuat Múte Bourup Egede, statsminister Mette Frederiksen kiisalu lagmand Aksel V. Johannesen Nunanut Allanut, Isumannaallisaanermut Illersornissamullu Attaveqaatitut Ataatsimiititaliami marlunngornermi 6. juni-mi ataatsimiipput. Inaarutaasumik isumaqatigiissutissap nunat pingasut pisortaanit atsiorneqarneratigut ataatsimiinneq naammassineqarpoq.
Nunat pingasuusut pisortaasa isumaqatigiissutigaat nunarsuatsinni pissutsit taamaatillugit pingaartumik nunanut allanut, illersornissamut sillimaniarnermullu tunngatillugu suli qaninnerusumik suleqatigiinnissaq pisariaqartoq.
Apeqqutit issittumi ambassadørimut, Issittumut tunngatillugu nunanut allanut politikikkut ineriartorneq kiisalu illersornissamut isumaqatigiissutissaq ataatsimiinnermi eqqartorneqarput.
Inaarutaasumik isumaqatigiissut linkip ataaniittup toorneratigut takusinnaavat.
Inaarutaasumik isumaqatigiissut aajuk
Sukumiinerusumik paasisaqarusukkuit Naalakkersuisut siulittaasuata allattai saaffigisinnaavatit, 345000, mail: allatsit@nanoq.gl