AtuartigukNaalakkersuisut Kuannersuarni aatsitassanik piianissamut qinnuteqaat itigartippaat
Nassiussisuuvoq: Aatsitassanut Inatsisillu Atuutsinneqarnerannut Naalakkersuisoqarfik
Ingerlatseqatigiiffiup piiaanissamut qinnuteqaataata ulloq 17. juni 2019-imeersup itigartinneqarnera pillugu Greenland Minerals A/S nalunaarfigineqassasoq Naalakkersuisut ulloq 26-05-2023 aalajangerpaat. Ilaatigut Kuannersuarni saffiugassanik qaqutigoortunik, zink-inik uran-inillu toraarinnillutik piiaanissaq pillugu Greenland Minerals A/S qinnuteqarsimavoq.
Tamatuma kingorna, taakku Kuannersuarni piiaanissaq pillugu akuersissuteqarnissamik qinnuteqaataata itigartitsissutigineqarnera pillugu ulloq 01-06-2023 Aatsitassanut Inatsisillu Atuutsinneqarnerannut Naalakkersuisoqarfiup Greenland Minerals A/S nalunaarfigaa.
Aalajangiinerup oqaasertai tamakkiisut kingusinnerusukkut tamanut saqqummiunneqarnissaat naatsorsuutigineqarpoq.
Tusagassiorfinnit saaffiginnissutit uunga saaffiginnissutigineqassapput:
Naalakkersuisoqarfimmi pisortamut Jørgen T. Hammeken-Holm-imut,
E-maili una atorlugu: joeh@nanoq.gl
Oqarasuaatip normua una atorlugu: +299 346846