AtuartigukMimi Karlsen: Meeqqat tamassi pilluaritsi
Nassiussisuuvoq: Meeqqanut, Inuusuttunut Ilaqutariinnullu Naalakkersuisoqarfik
Meeqqat ullut tamaasa tusaaneqartassapput, Meeqqanut, Inuusuttunut, Ilaqutariinnut Peqqissutsimullu Naalakkersuisoq, Meeqqat Ulluannut atatillugu oqarpoq.
Nunatta siunissaannut ulloq immikkut ittoq ullumikkut malunnartipparput: Meeqqat Ulluat. Meeqqat tamarmik pitsaasumik ineriartornissaat pingaaruteqarpoq. Meeqqat toqqissisimasumik, atuarfimmi, angerlarsimaffimmi sunngiffimmilu atugarissaarlutik, inuuneqarnissaat uagut inersimasuusugut qulakkeernissaat aamma pingaaruteqarpoq.
Meerartatta timiminnik aalatitsinissaat pinngortitami misigisassarsiornikkut timersornikkulluunniit, uagut aamma qulakkiigassaraarput. Taamaaliornikkut avatangiisinut paasisimasaat annertusarnerisa qaavatigut naleqartitat ataatsimoornikkullu ataqqeqatigiinneq ilinniassavaat.
Meeqqalli inersimasut oqaasiinik taamaallaat ataqqinnittussaanngillat. Inersimasoq meerarlu ataqqeqatigiittuarnissaat pingaartissavarput, meeqqammi suliani namminerminnut tunngassuteqartuni tusaaneqarnissartik pisinnaatitaaffigaat. Nalussanngilaat kisimiinnatik nalussanngilaallu ikinnerpaamik ataaseq ikiuinissamut piareersimasoq, ullumikkuinnaanngitsoq ullulli tamaasa.
Taamatut oqareerlunga meerartagut inuusuttortagullu tamarmik Meeqqat Ulluanni pilluaqqorusuppakka:
Asasakka meeqqat. Qujaffigerusuppassi Naalakkersuisuuninni ilinniartissimagassinga peqataatinneqarnissarsi qanoq pingaaruteqartigineranik, taamaasiornikkummi uagut inersimasut pitsaanerusumik aalajangiisinnaalersippatsigut. Qamannga pisumik pilluangaaritsi, neriuppunga ulloq pingaaruteqaqisoq atorluarumaarissi.
Mimi Karlsen
Sukumiisumik paasisaqarusukkuit naalakkersuisup allattaa Naja Lynge Petersen e-mailikkut nalp@nanoq.gl imaluunniit oqarasuaatikkut: +299 34 66 41 attavigiuk.