AtuartigukMitit manniinik mannissarnissaq periarfissaalerpoq
Nassiussisuuvoq: Aalisarnermut Piniarnermullu Naalakkersuisoqarfik
Timmissanik illersuineq piniarnerlu pillugit Namminersorlutik Oqartussat nalunaarutaat nutarterneqarpoq, annerusumik miterniarnermut mitillu manniinik katersinermut tunngavoq.
Timmissanik illersuineq piniarnerlu pillugit Namminersorlutik Oqartussat nalunaarutaat nr. 22, 30.maj 2023-meersoq Naalakkersuisunit maajip 25-anni 2023-mi akuersissutigineqartoq kakkiussatut ilanngunneqartoq takuneqarsinnaavoq.
Timmissanik illersuineq piniarnerlu pillugit nalunaarut suliarinera marsip 24-annit apriilip 21-annut tamanut ammasumik tusarniutaavoq.
Nalunaarutip nutarternerani uku pingaarnertut allannguutaapput:
- § 4, imm. 1, Nunatta Kangia zone ataasiinnaasimasoq, maannakkut zonenut marlunnut avinneqarpoq, aqutsiveqarfik Tasiilaq zone 4-nngorpoq taavalu aqutsiveqarfik Ittoqqortoormiit zone nutaaq 5-inngorluni.
- § 7, imm. 2, mitit piniagaaffii zoneni tamani sivitsorneqarput, uani tabel takuuk:
| Zone | Piniarfissatut siunnersuutigineqartut | Piniarfiit maannakkut atuuttut |
| zone 1: | 15.09 - 15.06 | 15.10 - 30.04 |
| zone 2: | 01.10 – 15.05 | 15.10 - 30.04 |
| zone 3: | 01.10 – 15.05 | 15.10 – 31.03 |
| zone 4: | 15.09 – 31.05 | 15.10 – 30.04 |
| zone 5: | 15.09 – 31.05 |
- § 7, imm. 3, mitit ullormut pisassat zone 1, 4 aamma 5-imi atorunnaarsinneqarput. Innuttaasut atuuttumik inuussutissarsiutigalugu piniarsinnaanermik allagartallit pisaminnik najugarisaminni tuniniaasinnaapput.
- § 9, imm. 2, innuttaasut inuussutissarsiutigalugu piniarnermut allagartallit taateraanik tuniniaanissamut periarfissaqalerput.
- § 9, imm. 2 innuttaasut inuussutissarsiutigalugu piniarnermut allagartallit taateraanik tuniniaanissamut periarfissaqalerput.
- § 10, imm. 6, tulukkat, naajaannaat, naajarujussuit aamma naajarluit misileraataasumik ukiuni tallimani killeqanngitsumik piniarneqarsinnaaneri sivitsorneqarpoq, nalunaarutip atuutilersinneqarneraniit ukiuni tallimani ingerlassalluni.
- § 11, imm. 3, innuttaasut piniarnermut allagartallit mitit manniinik nammineq atugassaminnik apriilip aallaqqaataanit juunip 15-iat ilanngullugu katersisinnaapput, aamma mitit ulluini ataatsimi manniit amerlanerpaamik marluk katersorneqaqqusaapput. Mitip ullua tukerneqanngitsunik mannittalik mannissarniarfiup nalaani mannii nungullugit imaarneqassanngilaq.
- § 11, imm. 4, zone 1-imi innuttaasut piniarnermut allagartallit ileqqutoqqat malillugit manniusiornermut mitit manniinik mannissaqqusaapput, juunip 15-iannit juunip 25-at ilanngullugu.
Paasissutissat sukumiinerusut pisariaqartikkaanni attavigineqassaaq:
Immikkoortumi pisortaq Amalie Jessen, Aalisarnermut Piniarnermullu Naalakker¬suiso-qarfik, oqarasuaat 34 53 04, e-mail: amalie@nanoq.gl