Kalistat Lundip canadami ambassadøri naapeqatigaa

Nassiussisuuvoq: Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik

Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund aamma Qallunaat Nunaanni canadap ambassadøria, Denis Robert, ulloq 23. maj 2023, Nuummi naapippaa.

Naapeqatigiinnerup siunertaraa ilasseqatigiinneq aamma Kalaallit Nunaata Canadallu akornanni suleqatigiinneq, uani immikkut sammineqarluni Pikialasorsuaq.

Paasissutissanik annertunerusunik paasiniaaffissaq, Nunalerinermut, Imminut Pilersornermut, Nukissiutinut Avatangiisinullu Pisortaqarfik inussianersumik saaffigineqassaaq: pan@nanoq.gl