Atuartiguk20. maj Kalaallit Nunaanni naligiissitaanerup ullua â kikkut tamarmik kinaassusertik aallaavigalugu inuuneqarsinnaatitaassapput
Nassiussisuuvoq: Aningaasaqarnermut Naligiissitaanermullu Naalakkersuisoqarfik
Aningaasaqarnermut Naligiissitaanermullu Naalakkersuisoq, Naaja H. Nathanielsen
Piffissami pisinnaatitaaffiit eqqumaffigeqqinneqalerneranni inuuvugut. Immikkoortuni amerlasuuni qanga kanngunarsarneqarnerit kiisalu naapertuutinngitsunik aalajangerit iliuutsillu qulaajarlugit annertuumik sulisoqarpoq. Tamannalumi pitsaavoq. Piffissamittaaq pisinnaatitaaffiit nunarsuaq tamakkerlugu maanna unioqqutinneqarlutillu akerlilersorneqarnerisa nalaanni inuuvugut. Ingammik arnat LGBTI-llu pisinnaatitaaffii piffinni amerlasuuni tatineqarlutillu pisinnaatitaaffittut anguneqarsimasutatorunnaarsiortorneqarput.
Nunatsinni inuiaqatigiinni naligiissitaanermik sorsuutigisassat amerlasuut iliuuseqarfigineqartariaqarput. Isumaginninnermut immikkoortumi, peqqinnissamut immikkoortumi, ilinniartitaanermut immikkoortumi, suliffeqarnermi allarpassuarnilu unammilligassarpassuatta suiaassuseq aallaaveqarnerat paasilluarnerusariaqarparput. Suliffeqarnermut qangaanilli suiaassuseq aallaavigalugu agguarsimasumut, sulisinnaasut pitsaanerusumik atorluarneqarnerunissaannut akerlilersuisumik unammilligassaqarnerput tikkuarsinnaavarput. Persuttaasarnerup, kinguaassiuutitigut atornerluisarnerup imminullu toquttarnerup kingunerisaanik tarnikkut anniaatit pilersarnerat inooqataaffigaarput. Tamanna aamma ilinniartitaanermut immikkoortumi, nukappiaqqat ikippallaat ilinniartitaanermik naammassinniffigisartagaanni takusinnaavarput. Inuiaqatigiittut naligiissitaanermik suiaassutsimillu siunnerfeqarnerusumik aaqqissuussaarnerusumillu sulissuteqarnitsinni angusassarpassuaqarpugut. Taamaammat Naalakkersuisut naligiissitaanermut immikkoortitsinnginnissamullu inatsisissaq suliaraat, tamatumalu peqatigisaanik suliffeqarnermik suiaassuseq aallaavigalugu aggulussimasumik siunnerfilimmik sulissuteqarput.
“Naligiissitaaneq illit nammineq kiaassutsit malillugu inuuneqarsinnaaninnut isigaara. Ullumikkulli piviusumi inuuffigisatsinni suiaassutsikkut inissisimanerit nikinnaveeqqasut pisoqalisoortullu, kiisalu pissaaneqarnermi pissutsit naligiinngitsut, nukappiaqqat niviarsiaqqallu kinaanertik naapertorlugu inuuneqarsinnaanerannut akornusersuisuupput. Suiaassuseq malillugu isiginnittaaseq atorlugu nukappiaqqat niviarsiaqqallu qanoq innissaannut qanorlu iliorsinnaanissaannut naatsorsuutigineqartutoqqat atugaraavut. Tamanna tamatsinnut killilersuisuuvoq. Taamaammat naligissitaanermik suliaqarneq pingaaruteqarpoq. Inuunermi maanna atugarput kisiat inuuneraarput, inuunitsinnilu kinaassuserput aallaavigalugu inuusinnaasariaqarpugut.”
Aningaasaqarnermut Naligiissitaanermullu Naalakkersuisoq, Naaja H. Nathanielsen
Kialluunniit suiaassutsini akornutigissanngilaa. Kikkut tamarmik ineriartorsinnaanerminnut naligiimmik periarfissaqartariaqarput.
Naligiissitaanerup ulluani ullorsiorluarisi.
Attaveqarfissaq:
Ivalu Nørreslet Rex (Aningaasaqarnermut Naalakkersuisoqarfik)
Toqq/direkte 346684
irex@nanoq.gl
Piffissami pisinnaatitaaffiit eqqumaffigeqqinneqalerneranni inuuvugut. Immikkoortuni amerlasuuni qanga kanngunarsarneqarnerit kiisalu naapertuutinngitsunik aalajangerit iliuutsillu qulaajarlugit annertuumik sulisoqarpoq. Tamannalumi pitsaavoq. Piffissamittaaq pisinnaatitaaffiit nunarsuaq tamakkerlugu maanna unioqqutinneqarlutillu akerlilersorneqarnerisa nalaanni inuuvugut. Ingammik arnat LGBTI-llu pisinnaatitaaffii piffinni amerlasuuni tatineqarlutillu pisinnaatitaaffittut anguneqarsimasutatorunnaarsiortorneqarput.
Nunatsinni inuiaqatigiinni naligiissitaanermik sorsuutigisassat amerlasuut iliuuseqarfigineqartariaqarput. Isumaginninnermut immikkoortumi, peqqinnissamut immikkoortumi, ilinniartitaanermut immikkoortumi, suliffeqarnermi allarpassuarnilu unammilligassarpassuatta suiaassuseq aallaaveqarnerat paasilluarnerusariaqarparput. Suliffeqarnermut qangaanilli suiaassuseq aallaavigalugu agguarsimasumut, sulisinnaasut pitsaanerusumik atorluarneqarnerunissaannut akerlilersuisumik unammilligassaqarnerput tikkuarsinnaavarput. Persuttaasarnerup, kinguaassiuutitigut atornerluisarnerup imminullu toquttarnerup kingunerisaanik tarnikkut anniaatit pilersarnerat inooqataaffigaarput. Tamanna aamma ilinniartitaanermut immikkoortumi, nukappiaqqat ikippallaat ilinniartitaanermik naammassinniffigisartagaanni takusinnaavarput. Inuiaqatigiittut naligiissitaanermik suiaassutsimillu siunnerfeqarnerusumik aaqqissuussaarnerusumillu sulissuteqarnitsinni angusassarpassuaqarpugut. Taamaammat Naalakkersuisut naligiissitaanermut immikkoortitsinnginnissamullu inatsisissaq suliaraat, tamatumalu peqatigisaanik suliffeqarnermik suiaassuseq aallaavigalugu aggulussimasumik siunnerfilimmik sulissuteqarput.
“Naligiissitaaneq illit nammineq kiaassutsit malillugu inuuneqarsinnaaninnut isigaara. Ullumikkulli piviusumi inuuffigisatsinni suiaassutsikkut inissisimanerit nikinnaveeqqasut pisoqalisoortullu, kiisalu pissaaneqarnermi pissutsit naligiinngitsut, nukappiaqqat niviarsiaqqallu kinaanertik naapertorlugu inuuneqarsinnaanerannut akornusersuisuupput. Suiaassuseq malillugu isiginnittaaseq atorlugu nukappiaqqat niviarsiaqqallu qanoq innissaannut qanorlu iliorsinnaanissaannut naatsorsuutigineqartutoqqat atugaraavut. Tamanna tamatsinnut killilersuisuuvoq. Taamaammat naligissitaanermik suliaqarneq pingaaruteqarpoq. Inuunermi maanna atugarput kisiat inuuneraarput, inuunitsinnilu kinaassuserput aallaavigalugu inuusinnaasariaqarpugut.”
Aningaasaqarnermut Naligiissitaanermullu Naalakkersuisoq, Naaja H. Nathanielsen
Kialluunniit suiaassutsini akornutigissanngilaa. Kikkut tamarmik ineriartorsinnaanerminnut naligiimmik periarfissaqartariaqarput.
Naligiissitaanerup ulluani ullorsiorluarisi.
Attaveqarfissaq:
Ivalu Nørreslet Rex (Aningaasaqarnermut Naalakkersuisoqarfik)
Toqq/direkte 346684
irex@nanoq.gl