AtuartigukIsiginnaartitsisartutut ilinniartitaaneq bacheloritut ilinniarneqarsinnaalerpoq
Nassiussisuuvoq: Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Ullumikkut isiginnaartitsisartut Nunatta Isiginnaartitsisarfiani Nuummi isiginnaartitsinermik ilinniarnerat ukiut marluk ilinniartinneqartarpoq. Maannakkut ilinniarneq ukiut marluk inuussutissarsiummik ilinniarneruvoq.
Naalakkersuisut Isiginnaartitsisartunngorniarnermullu atuarfik ilinniarnerup nutarterneqarnerata suliarineqarnerani suleqatigiissimapput.
Maannakkut ilinniarneq atorunnaarsinneqassaaq taarsiullugulu ukiuni pingasuni bachelortitut ilinniarneq nutaaq aallartinneqassaaq.
Ilinniartitaanermut, Kultureqarnermut, Timersornermut, Ilageeqarnermullu Naalakkersuisoq Peter Olsenip ilinniartitaanerup nutarterneqarnera nuannaarutigaa.
”Isiginnaartitsisartutta Nunatsinni Nunattalu avataani isiginnaartitsisarneri ullumikkut takusinnaareeraluarlutigit, nunani tamalaani isiginnaartitsinermi isiginnaartitsisartut ilinniarsimasut qaffaseqataannik ilinniartitsinerup nutaap isiginnaartitsisartut inerartissinnaajumaarai neriuutigaarput ”, Peter Olsen oqarpoq.
Qaffasinnerusumik ilinniartitaanerit pillugit Inatsisartut inatsisaata allanngortinneqarnera ull. 1. januar 2022-mi atortuulersoq Inatsisartut akuersissutigaat. Isiginnaartitsisartutut ilinniartitaanermut tiguneqarnissaq pillugu nalunaarut nutaaq ull. 1. Juni 2023 atuutilissaaq uanilu atuarneqasinnaalluni: https://nalunaarutit.gl/Groenlandsk-lovgivning/2023/Selvstyrets-bekendtgoerelse-nr-17-af-27_04_2023?sc_lang=kl-GL.
Annertunerusumik paasisaqarusukkuit qaffasinnerusumik ilinniartitaanernut sullissisoq 345740-mut imaluunniit Ikin@nanoq.gl-mut attavigiuk.