AtuartigukNuna tamakkerlugu pilersaarummut nassuiaammi iluarsartuussineq piffinnilu atugassarititaasut sammineqarput
Nassiussisuuvoq: Aningaasaqarnermut Naligiissitaanermullu Naalakkersuisoqarfik
Naalakkersuisut ”Nuna tamakkerlugu pilersaarut pillugu nassuiaat 2023 – pisariaqartumik iluarsartuussineq” tamanut ullumi saqqummiutissavaat.
Nassuiaammi inissiani attartortittakkatsinni, umiarsualivitsinni, sulisoqarfiit illuutaanni, mittarfitsinni nukissiuutitsinnilu aserfallatsaaliuinermi kinguaattoorujussuarneq sammineqarpoq. Kinguaattoorneq annertuumik aningaasaleeqqinnissamik kinguneqarpoq. Kinguaattoornerup unitsinneqarnissaani aaqqinnissaanilu immikkoortumi arlallit pingaarnersiortariaqarput.
Aningaasaqarnermut Naligiissitaanermullu Naalakkersuisoq Naaja H. Nathanielsen oqarpoq: ”Illuutivut attaveqaatitsinnilu atortorissaarutivut ukiorpassuit ingerlaneranni aserfallatsaaliornikuunngilagut. Tamatuma kinguneraa aserfallatsaaliuinermi aningaasaleeqqinnissamilu kinguaattoorneq minnerpaamik 7,6 milliard kroninik maanna annertussuseqarnera. Taakkulu ullut tamaasa iliuuseqannginnitsinni annertusiartorlutik.
Ajornartorsiut ullormit ullormut aaqqinneqarsinnaanngilaq pissutsillu aaqqinnissaannut ukiorpassuit ingerlassapput. Taamaammat maanna iliuuseqartariaqarpugut. Nassuiaammi ukiuni aggersuni iliuusissavut siulliit allaaserineqarput. Kinguaattoorneq pissutigalugu suliniuteqarfiginnissaa aserfallatsaaliuinermut aningaasat amerlanerusut salliutittariaqarpavut. Aningaasat allani atorneqarsinnaagaluarput. Inuiaqatigiilli illut, umiarsualiviit, mittarfiit nukissiuutillu pitsaasut isumalluutigaat. Taamaammallu kinguaattoornerup akiornera innuttaasunut inuussutissarsiortunullu iluaqutaassaaq”.
Inoqarfiit najorneqartut arlallit ilusaannik nutartikkamik nassuiaat aamma imarpoq. Inoqarfiit ilusai inoqarfiit aalajaannerannik periarfissaannillu takussutissiilluarpoq, aammali sumiiffinni ajutoorfiusinnaasunik takussutissiilluni. Sakkoq nikerartuuvoq, taamaammallu kommunit pilersaarusiortullu allat pisariaqartitaminnut aalajangersimasunut namminneq naleqqussarsinnaallugu.
Aningaasaqarnermut Naligiissitaanermullu Naalakkersuisoq Naaja H. Nathanielsen oqarpoq: Nunatsinni inoqarfiit ullumikkut 71-iupput, tamarmik immikkuullarissut. Assersuutigalugu innuttaasut amerlassusaat, nunap pissusia, pinngortitaq inuussutissarsiornermilu ineriartortitsinermi atugassarisat assigiinngillat. Inoqarfiit ilusaat najukkanilu nunalu tamakkerlugu politikerit allallu inoqarfinni atugassarisanik pisariaqartitanillu paasinninnerunissamik kissaateqartut sakkorisinnaavaat.
Attavissaq: Naalakkersuisup allattaa Jeanette Petersen, jelp@nanoq.gl Mobil (+299) 26 54 76
Nassuiaammi inissiani attartortittakkatsinni, umiarsualivitsinni, sulisoqarfiit illuutaanni, mittarfitsinni nukissiuutitsinnilu aserfallatsaaliuinermi kinguaattoorujussuarneq sammineqarpoq. Kinguaattoorneq annertuumik aningaasaleeqqinnissamik kinguneqarpoq. Kinguaattoornerup unitsinneqarnissaani aaqqinnissaanilu immikkoortumi arlallit pingaarnersiortariaqarput.
Aningaasaqarnermut Naligiissitaanermullu Naalakkersuisoq Naaja H. Nathanielsen oqarpoq: ”Illuutivut attaveqaatitsinnilu atortorissaarutivut ukiorpassuit ingerlaneranni aserfallatsaaliornikuunngilagut. Tamatuma kinguneraa aserfallatsaaliuinermi aningaasaleeqqinnissamilu kinguaattoorneq minnerpaamik 7,6 milliard kroninik maanna annertussuseqarnera. Taakkulu ullut tamaasa iliuuseqannginnitsinni annertusiartorlutik.
Ajornartorsiut ullormit ullormut aaqqinneqarsinnaanngilaq pissutsillu aaqqinnissaannut ukiorpassuit ingerlassapput. Taamaammat maanna iliuuseqartariaqarpugut. Nassuiaammi ukiuni aggersuni iliuusissavut siulliit allaaserineqarput. Kinguaattoorneq pissutigalugu suliniuteqarfiginnissaa aserfallatsaaliuinermut aningaasat amerlanerusut salliutittariaqarpavut. Aningaasat allani atorneqarsinnaagaluarput. Inuiaqatigiilli illut, umiarsualiviit, mittarfiit nukissiuutillu pitsaasut isumalluutigaat. Taamaammallu kinguaattoornerup akiornera innuttaasunut inuussutissarsiortunullu iluaqutaassaaq”.
Inoqarfiit najorneqartut arlallit ilusaannik nutartikkamik nassuiaat aamma imarpoq. Inoqarfiit ilusai inoqarfiit aalajaannerannik periarfissaannillu takussutissiilluarpoq, aammali sumiiffinni ajutoorfiusinnaasunik takussutissiilluni. Sakkoq nikerartuuvoq, taamaammallu kommunit pilersaarusiortullu allat pisariaqartitaminnut aalajangersimasunut namminneq naleqqussarsinnaallugu.
Aningaasaqarnermut Naligiissitaanermullu Naalakkersuisoq Naaja H. Nathanielsen oqarpoq: Nunatsinni inoqarfiit ullumikkut 71-iupput, tamarmik immikkuullarissut. Assersuutigalugu innuttaasut amerlassusaat, nunap pissusia, pinngortitaq inuussutissarsiornermilu ineriartortitsinermi atugassarisat assigiinngillat. Inoqarfiit ilusaat najukkanilu nunalu tamakkerlugu politikerit allallu inoqarfinni atugassarisanik pisariaqartitanillu paasinninnerunissamik kissaateqartut sakkorisinnaavaat.
Attavissaq: Naalakkersuisup allattaa Jeanette Petersen, jelp@nanoq.gl Mobil (+299) 26 54 76