AtuartigukInuusuttunut inissiat Tasiilami, Upernavimmi Qasigiannguanilu sananeqartussanngortut
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Tasiilami inuusuttunut inissiat arfineq pingasut aammalu Upernavimmi sisamat Qasigiannguanilu sisamat sananeqarnissaannut aningaasaliissutissat Inatsisartut Aningaasaqarnermut Akileraartarnermullu Ataatsimiititaliaanit 28. april 2023 akuerineqarnerat Naalakkersuisunit nuannaarutigineqaqaaq.
Akuersissuteqartoqarneratigut isumaqatigiissutissat atsiorneqarsinnaalerput. Taamaasilluni sanaartorneq 2023-p qiteqqunnerani aallartinneqarsinnaanngorlugu atortussat inniminnernissaat isumagineqarsinnaalerpoq. Tamatumalu kingunerisaanik inuusuttunut inissiat 2024-p naanerani naammassineqarlutillu atorsinnaalernissaat naatsorsuutigineqarpoq.
Nunatsinni najugaqarfinni mikinerusuni inuusuttut inissianik pisariaqartitsinerat naapertorlugu inuusuttunut inissiat sananeqassapput. Inuusuttut najukkaminni najugaqaannarnissamik kissaateqarnertik oqaatigisimavaat, kisiannili pisariaqartitaminnut immikkut tulluarsakkanik inissianik amigaateqartoqarnera ilungersunartuutillugu.
Ineqarnermut Attaveqaasersuutinullu Naalakkersuisup oqaatigaa:
”Inuusuttut inissaannut tunngatillugu suliaq isumaqatiginninniarnerillu piffissami sivisuumi ingerlasimapput massakkullu naammassineqarmata nuannaarutigingaarpara. Inuusuttut inersimasunngoriartornerminni inissaqartinneqarnissaannik suliniut pingaaruteqarpoq inissiallu naammassineqarlutillu atulernissaat qilanaareqaara. Najugaqarfinni mikinerusuni amerlanerusuni inuusuttunut inissialiortiternissanut 2023-mut aningaasanut inatsimmi aningaasaliisoqareernikuuvoq taamaasillutik inuusuttut amerlanerusut nuannaarutissaasumik assingusumik periarfissinneqassapput.”
Inuusuttunut inissialiortiternerit
Inuusuttunut inissiat sanasarnissaannut periusissamik aalajangersimasumik ineriartortitsisoqarsimavoq, tassani najugaqarfinni mikinerusuni inissiat ajornanngitsumik sananeqarlutillu napparneqarsinnaanissaat aammalu piujuartitsinermik tamakkiisumik tunngaveqarluni pitsaasumillu sananeqarnissaat eqqarsaatigalugu aningaasartuutissat, avatangiisinut/silap pissusaanut inuttullu atugassarititat oqimaaqatigiissinniarneqarsimallutik.
Inissiat taamaalillutik inuusuttut inersimasutut inuulernissaannut aallaavissatut eqqarsaatigineqarput, inuusuttut nammineq najugaqarsinnaalersinniarnerisigut. Inuusuttut atugaat ajornannginnerulersinniarlugit inissiat tamarmik assigiinnik pequsersorneqarsimapput nuuffigineqapallassinnaanngorlugit taamaasillunilu najugaqalersussat nuunnerminni aningaasartuutissaat appasinnerpaatinniarlugit.
Inissiat inissiatut ataatsimik initalittut ilusilersorneqarsimapput 45 m²-it missaannik angitigalutik, isaariap annertuup saniatigut asaffilimmik errorsisarfeqarluni errorsivimmut inissaqartoq. Errorsisarfimmiit uffarfimmut/perusuersartarfimmut inimullu iserfissaqarpoq. Inimiipput igaffik neriffissamut inissaqartoq, ini nalaasaarfilik iikkamilu siniffiliaqarluni. Aamma qerititsivimmut inissaq piniarnermilu atortunut inissaq eqqarsaatigineqarsimapput, inissiamut atasumik quimik sanasoqarneratigut.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl
Akuersissuteqartoqarneratigut isumaqatigiissutissat atsiorneqarsinnaalerput. Taamaasilluni sanaartorneq 2023-p qiteqqunnerani aallartinneqarsinnaanngorlugu atortussat inniminnernissaat isumagineqarsinnaalerpoq. Tamatumalu kingunerisaanik inuusuttunut inissiat 2024-p naanerani naammassineqarlutillu atorsinnaalernissaat naatsorsuutigineqarpoq.
Nunatsinni najugaqarfinni mikinerusuni inuusuttut inissianik pisariaqartitsinerat naapertorlugu inuusuttunut inissiat sananeqassapput. Inuusuttut najukkaminni najugaqaannarnissamik kissaateqarnertik oqaatigisimavaat, kisiannili pisariaqartitaminnut immikkut tulluarsakkanik inissianik amigaateqartoqarnera ilungersunartuutillugu.
Ineqarnermut Attaveqaasersuutinullu Naalakkersuisup oqaatigaa:
”Inuusuttut inissaannut tunngatillugu suliaq isumaqatiginninniarnerillu piffissami sivisuumi ingerlasimapput massakkullu naammassineqarmata nuannaarutigingaarpara. Inuusuttut inersimasunngoriartornerminni inissaqartinneqarnissaannik suliniut pingaaruteqarpoq inissiallu naammassineqarlutillu atulernissaat qilanaareqaara. Najugaqarfinni mikinerusuni amerlanerusuni inuusuttunut inissialiortiternissanut 2023-mut aningaasanut inatsimmi aningaasaliisoqareernikuuvoq taamaasillutik inuusuttut amerlanerusut nuannaarutissaasumik assingusumik periarfissinneqassapput.”
Inuusuttunut inissialiortiternerit
Inuusuttunut inissiat sanasarnissaannut periusissamik aalajangersimasumik ineriartortitsisoqarsimavoq, tassani najugaqarfinni mikinerusuni inissiat ajornanngitsumik sananeqarlutillu napparneqarsinnaanissaat aammalu piujuartitsinermik tamakkiisumik tunngaveqarluni pitsaasumillu sananeqarnissaat eqqarsaatigalugu aningaasartuutissat, avatangiisinut/silap pissusaanut inuttullu atugassarititat oqimaaqatigiissinniarneqarsimallutik.
Inissiat taamaalillutik inuusuttut inersimasutut inuulernissaannut aallaavissatut eqqarsaatigineqarput, inuusuttut nammineq najugaqarsinnaalersinniarnerisigut. Inuusuttut atugaat ajornannginnerulersinniarlugit inissiat tamarmik assigiinnik pequsersorneqarsimapput nuuffigineqapallassinnaanngorlugit taamaasillunilu najugaqalersussat nuunnerminni aningaasartuutissaat appasinnerpaatinniarlugit.
Inissiat inissiatut ataatsimik initalittut ilusilersorneqarsimapput 45 m²-it missaannik angitigalutik, isaariap annertuup saniatigut asaffilimmik errorsisarfeqarluni errorsivimmut inissaqartoq. Errorsisarfimmiit uffarfimmut/perusuersartarfimmut inimullu iserfissaqarpoq. Inimiipput igaffik neriffissamut inissaqartoq, ini nalaasaarfilik iikkamilu siniffiliaqarluni. Aamma qerititsivimmut inissaq piniarnermilu atortunut inissaq eqqarsaatigineqarsimapput, inissiamut atasumik quimik sanasoqarneratigut.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl