AtuartigukAlliap oqarasuaataata normua nutaanngorpoq
Innuttaasut qanigisaminni nakuusertarnermik kamattarnermillu ajornartorsiutillit akeqanngitsumik 80 11 99-imut sianersinnaapput.
Nassiussisuuvoq: Meeqqanut, Inuusuttunut Ilaqutariinnullu Naalakkersuisoqarfik
Alliap oqarasuaataata normua nutaaq ulloq 26. april atulerpoq, oqarasuaatillu angallattakkat sianernissamut imaqanngikkaluarpata sianersinnaapput.
”Kikkut tamarmik Alliamut akeqanngitsumik sianersinnaalernerat, tamanut assigiimmik periarfissaqalernerat qanigisamullu nakuusertarneq unitsikkuullugu pitsaanerpaamik ikiorneqarnissamik neqeroorfigineqarsinnaalernerat nuannaarutissaavoq. Piffissaq ungasinnerusoq isigalugu tamanna pitsaasumik allannguutaassaaq,” Meeqqanut, Inuusuttunut, Ilaqutariinnut Peqqissutsimullu Naalakkersuisoq, Mimi Karlsen oqarpoq.
Nakuusertarneq pillugu oqaluuserinninnissaq ajornakusoorsinnaasarpoq taamaattorli innuttaasut neqeroorummik tigusisut eqqortumik tapersersorneqarnertik iluaqutigalugu ulluinnaat toqqissisimanarnerusut angusinnaagaat Alliami pilersaarutinut aqutsisup oqaatigaa:
”Nakuusertarneq pillugu oqaluuserinninnissamik ammanerulersut amerlaneruleriartortut takusarparput. Nakuusertarneq, kamattarneq kamarujussuartarnerluunniit ulluinnarnilu misigisartakkaminnik unitsitsiniarlutik akisussaaffimmik tigusinissaminnut ajornartitsinnaallutik, taamaattorli Alliamut attaveqarnermikkut alloriaraangamik amerlasuutigut oqiliallaatigineqartarluni”, Simon Cordes, Alliami pilersaarutinut aqutsisoq, oqarpoq.
Inuit qanigisaminni nakuusertarnermik kamattarnermillu ajornartorsiutillit, nuna tamakkerlugu katsorsartinnissamik neqeroorummut Alliamut akeqanngitsumik sianersinnaapput, piffissami sapaatip akunnerata ulluini tamani nal. 9.00-imiit 21.00-imut.
Alliaq pillugu paasisaqarnerorusukkuit ingerlariaqqinnissannulluunniit innersuunneqarusukkuit Alliaq akeqanngitsumik oqarasuaatikkut akeqanngitsumik saaffigisinnaavat, uunga normumut nutaamut 80 11 99.
Attavissaq
Sukumiisumik paasisaqarusukkuit naalakkersuisup allattaa Naja Lynge Petersen e-mailikkut nalp@nanoq.gl imaluunniit oqarasuaatikkut: +299 34 66 41 attavigiuk.
”Kikkut tamarmik Alliamut akeqanngitsumik sianersinnaalernerat, tamanut assigiimmik periarfissaqalernerat qanigisamullu nakuusertarneq unitsikkuullugu pitsaanerpaamik ikiorneqarnissamik neqeroorfigineqarsinnaalernerat nuannaarutissaavoq. Piffissaq ungasinnerusoq isigalugu tamanna pitsaasumik allannguutaassaaq,” Meeqqanut, Inuusuttunut, Ilaqutariinnut Peqqissutsimullu Naalakkersuisoq, Mimi Karlsen oqarpoq.
Nakuusertarneq pillugu oqaluuserinninnissaq ajornakusoorsinnaasarpoq taamaattorli innuttaasut neqeroorummik tigusisut eqqortumik tapersersorneqarnertik iluaqutigalugu ulluinnaat toqqissisimanarnerusut angusinnaagaat Alliami pilersaarutinut aqutsisup oqaatigaa:
”Nakuusertarneq pillugu oqaluuserinninnissamik ammanerulersut amerlaneruleriartortut takusarparput. Nakuusertarneq, kamattarneq kamarujussuartarnerluunniit ulluinnarnilu misigisartakkaminnik unitsitsiniarlutik akisussaaffimmik tigusinissaminnut ajornartitsinnaallutik, taamaattorli Alliamut attaveqarnermikkut alloriaraangamik amerlasuutigut oqiliallaatigineqartarluni”, Simon Cordes, Alliami pilersaarutinut aqutsisoq, oqarpoq.
Inuit qanigisaminni nakuusertarnermik kamattarnermillu ajornartorsiutillit, nuna tamakkerlugu katsorsartinnissamik neqeroorummut Alliamut akeqanngitsumik sianersinnaapput, piffissami sapaatip akunnerata ulluini tamani nal. 9.00-imiit 21.00-imut.
Alliaq pillugu paasisaqarnerorusukkuit ingerlariaqqinnissannulluunniit innersuunneqarusukkuit Alliaq akeqanngitsumik oqarasuaatikkut akeqanngitsumik saaffigisinnaavat, uunga normumut nutaamut 80 11 99.
Attavissaq
Sukumiisumik paasisaqarusukkuit naalakkersuisup allattaa Naja Lynge Petersen e-mailikkut nalp@nanoq.gl imaluunniit oqarasuaatikkut: +299 34 66 41 attavigiuk.