AtuartigukNamminersorlutik Oqartussat nuna tamakkerlugu umiarsualivinni naaralaartitsivii iluarsaanneqassapput
Nassiussisuuvoq:
Namminersorlutik Oqartussat umiarsualivinni naaralaartitsiviisa iluarsaanneqarnissaannut aningaasassanik atugassanngortitsinissaq pillugu Naalakkersuisut qinnuteqaataat Inatsisartut Aningaasaqarnermut Akileraartarnermullu Ataatsimiititaliaata 2023-mi februaarimi akueraat. Imarsiortut aammalu imarsiornerup isumannaatsuunissaa eqqarsaatigalugit Namminersorlutik Oqartussat umiarsualivinni naaralaartitsiviisa iluarsaanneqarnissaat aserfallatsaaliorneqarnissaallu pisariaqarpoq.
Umiarsualivinni naaralaartitsiviit 69-it umiarsualiviit eqqaanni ikkussorneqarsimasut aammalu tassaasut seqersaatit, ullukkut nalunaaqutsiussat, napparutit sarfalersuutillu, Namminersorlutik Oqartussat pigisaraat.
Namminersorlutik Oqartussat umiarsualivinni naaralaartitsiviisa qanoq issusaannik nalunaarsuineq 2022-mi ingerlanneqarpoq. Qanoq issutsinut nalunaarsuinerit takutippaat Namminersorlutik Oqartussat umiarsualivinni naaralaartitsivii aserfallatsaaliorneqarsimanngitsut, arlallit qaminngallutik, eqqortumik ingerlanatik imaluunniit ”Danske Fyrliste”-mi (Danmarkimi, Savalimmiuni Kalaallillu Nunaanni naaralaartitsivinnut pujortumilu siggartaatinut allattuiffik) sukumiisumik nassuiaatinit allaanerullutik.
Isumannaallisaaneq eqqarsaatigalugu umiarsualivinni naaralaartitsiviit sukkasuumik iluarsaanneqarnissaat pisariaqartoq, qanoq issutsinik nalunaarsuinerit uppernarsarpaat. Taamaattumik iluarsaassinissamut, aasamut aallartittussamut katillugit 10,4 mio. kr. atugassanngortinneqarnissaat akuerineqarpoq.
Ineqarnermut Attaveqaasersuutinullu Naalakkersuisoq Erik Jensen oqarpoq:
”Umiarsualivinni naaralaartitsiviit imarsiornerup isumannaatsuunissaanut pingaaruteqarput, taamaattumillu umiarsualivinni naaralaartitsiviit qanoq issusaat naammaginanngilaq. Taamaattumik Aningaasaqarnermut Akileraartarnermullu Ataatsimiititaliap akuersissuteqarneratigut maannakkut nunatsinni umiarsualivinni naaralaartitsiviit iluarsaanneqarnerannik sulineq aallartissinnaalermat, imarsiornerullu isumannaatsuunissaa pitsanngorsarneqarsinnaalermat, nuannaarutigaara.”
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl
Umiarsualivinni naaralaartitsiviit 69-it umiarsualiviit eqqaanni ikkussorneqarsimasut aammalu tassaasut seqersaatit, ullukkut nalunaaqutsiussat, napparutit sarfalersuutillu, Namminersorlutik Oqartussat pigisaraat.
Namminersorlutik Oqartussat umiarsualivinni naaralaartitsiviisa qanoq issusaannik nalunaarsuineq 2022-mi ingerlanneqarpoq. Qanoq issutsinut nalunaarsuinerit takutippaat Namminersorlutik Oqartussat umiarsualivinni naaralaartitsivii aserfallatsaaliorneqarsimanngitsut, arlallit qaminngallutik, eqqortumik ingerlanatik imaluunniit ”Danske Fyrliste”-mi (Danmarkimi, Savalimmiuni Kalaallillu Nunaanni naaralaartitsivinnut pujortumilu siggartaatinut allattuiffik) sukumiisumik nassuiaatinit allaanerullutik.
Isumannaallisaaneq eqqarsaatigalugu umiarsualivinni naaralaartitsiviit sukkasuumik iluarsaanneqarnissaat pisariaqartoq, qanoq issutsinik nalunaarsuinerit uppernarsarpaat. Taamaattumik iluarsaassinissamut, aasamut aallartittussamut katillugit 10,4 mio. kr. atugassanngortinneqarnissaat akuerineqarpoq.
Ineqarnermut Attaveqaasersuutinullu Naalakkersuisoq Erik Jensen oqarpoq:
”Umiarsualivinni naaralaartitsiviit imarsiornerup isumannaatsuunissaanut pingaaruteqarput, taamaattumillu umiarsualivinni naaralaartitsiviit qanoq issusaat naammaginanngilaq. Taamaattumik Aningaasaqarnermut Akileraartarnermullu Ataatsimiititaliap akuersissuteqarneratigut maannakkut nunatsinni umiarsualivinni naaralaartitsiviit iluarsaanneqarnerannik sulineq aallartissinnaalermat, imarsiornerullu isumannaatsuunissaa pitsanngorsarneqarsinnaalermat, nuannaarutigaara.”
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl