AtuartigukNipisannik aalisartoqarsinnaanngorpoq
Nassiussisuuvoq: Aalisarnermut Piniarnermullu Naalakkersuisoqarfik
Nipisanniarneq aqutsiveqarfinni pisassat tunngavigalugit aallartissaaq.
Aalisarnermut Piniarnermullu Naalakkersuisoqarfiup matumuuna nalunaarutigivaa aqutsiveqarfinni ukunani nipisannik aalisartoqarsinnaanngormat:
Nipisanniarneq aallartissinnaalerpoq sumiiffinni peqatigiiffiit, kattuffiit aamma tunitsiviit aalisalernissamut isumaqatigiimmata.
- Ulloq 18. april aqutsiveqarfik 1F ammassaaq
- Ulloq 18. april aqutsiveqarfik 1D ammassaaq
- Ulloq 18. april aqutsiveqarfik 1C ammassaaq
- Ulloq 18. april aqutsiveqarfik 1Bb ammassaaq
- Ulloq 25. april aqutsiveqarfik 1Ba ammassaaq
- Ulloq 25. april aqutsiveqarfik 1A ammassaaq
Aqutsiveqarfinni tamani ataannartumik aalisarfissat ullut 60-iupput, ullut ammarneqarfianniit imaluunniit pisassat tamakkerneqarnissaasa tungaannut.
2023-mi pisassat 1.475,3 tonsiupput imalu aqutsiveqarfinnut agguarneqarlutik:
| Aalisagaq | Aqqutsiveqarfinni 2023,mi pisassat |
| 1A | 181,2 |
| 1Ba | 162,2 |
| 1Bb | 84,1 |
| 1C | 370,1 |
| 1D | 362,2 |
| 1E | 203,4 |
| 1F | 112,1 |
| Katillugu | 1.475,3 |
Aalisarnermut Piniarnermullu Naalakkersuisoqarfimmiit aamma KANUAANA-miit er-seqqissaatigineqassaaq aalisarneq, tunisineq imaluunniit nipisannik suaanillu aqutsi-veqarfinni aalisarnerup ammannginnerani pisineq inerteqqutaammat.
Piffissaq aalisarfiusoq sunngiffimmi aalisartunut aamma atuuppoq.
Pisassiissutigineqartut aamma sapaatip akunnerani pisarineqarsimasut www: GFLK.gl-mi malinnaavigineqarsinnaapput.
Annerusumik paasisaqarusukkuit Aalisarnermut Piniarnermullu paasiniaasoqarsinnaavoq, apn@nanoq.gl