AtuartigukNaalakkersuisut: Arnarluit suaannik avammut toqqaannaq niueruteqarsinnaanerup periarfissaalernissaa sulissutigissavarput
Nassiussisuuvoq: Aalisarnermut Piniarnermullu Naalakkersuisoqarfik”Ukiuni kingullerni arnarluit suaannik aalisarnermi unammilligassat nalaanneqarsimasut pitsaanerulersikkumallugit Naalakkersuisut sulinerput ingerlattuarparput. Piffissamilu aggersumi kattuffiit peqatigalugit ilaatigut sulianik imaattunik ingerlatsiumalluta”, Aalisarnermut piniarnermullu Naalakkersuisoq, Karl Tobiassen oqarpoq.
Naalakkersuisut arnarluit suaannik avammut toqqaannartumik niueruteqarsinnaaneq pillugu aqqutissiuerusupput, soqutiginnittut peqatigalugit.
”KNAPK-mut oqaatigereersimasatsitut, arnarluit suaannik avammut toqqaannaq niueruteqarsinnaanerup periarfissaalernissaanut aqqutissiuussineq aallartisarparput. Tulliatut Nalunaarutip maanna atuuttup aporfigisai qaangerniarlugit nutarterinissaq aallarnisarneqassaaq. Tassanilu kattuffiit susassaqartut qanimut suleqatiserineqassapput soorluttaaq pitsanngorsaataasinnaasut allat aamma suleqataaffigissallugit periarfissinneqassallutik”, Karl Tobiassen oqarpoq.