AtuartigukIlaasunik angallassinermut kiffartuunneqarnissamut isumaqatigiissutit naliliiffigineqassapput
Nassiussisuuvoq:
2020-mi novembarimi ilaasunik angallassinermut kiffartuunneqarnissamut isumaqatigiissutit ulloq 1. januar 2021 atuuttussanngorlugit atsiorneqarput. Isumaqatigiissutit Air Greenlandimut, Norland Air-imut, Disko Line-mut aamma Arctic Umiaq Line-mut isumaqatigiissutigineqarput, aammalu Inatsisartut Aningaasaqarnermut Akileraartarnermullu Ataatsimiititaliaanni amerlanerussuteqartunit akuerineqarlutik.
Peqatigisaanik ilaasunik angallassinermut nutaamik periaaseqartoqarpoq, tassani umiarsuarmik qulimiguulimmillu angallanneq suliaqartuusunut assigiinngitsunut marlunnut avinneqarluni, aammalu isumaqatigiissutit ukiunik 10-nik siunnerfilimmik isumaqatigiissutigineqarlutik.
Taamaattumik Ineqarnermut Attaveqaasersuutinullu Naalakkersuisup kiffartuunneqarnissamut isumaqatigiissutit naliliiffigineqarnerat aallartinniarpaa, taanna kiffartuunneqarnissamut isumaqatigiissutit iluarsineqarsinnaanerat pillugu Naalakkersuisunut inassuteqaatinik arlalinnik kinguneqassalluni.
Tassunga tunngatillugu Ineqarnermut Attaveqaasersuutinullu Naalakkersuisoq imatut oqaaseqarpoq:
”Isumaqarpunga kiffartuunneqarnissamut isumaqatigiissutit naliliivigineqarnissaat pingaaruteqartoq. Piffissami kingullertigut nunatsinni innuttaasut amerlasuut anigorniagassanik nalaataqarsimapput, aammalu kiffartuunneqarnissamut isumaqatigiissutit, nutaamik periaaseqarluni isumaqatigiissutigineqartut, eqqummaarilluta naliliivigisariaqarpagut. Tassami innuttaasut annertunerusunik kinguaattooratik nikissinnaajunnaaratillu nunatsinni angallanneqarsinnaallutik tatigisinnaasariaqarpaat.”
Ineqarnermut Attaveqaasersuutinullu Naalakkersuisoq, Erik Jensen, nangippoq:
”Sisimiuni februaarimi attaveqaasersuutit pillugit isumasioqatigiinnitsinnut pissusissamisoortumik nangissutigalugu tamanna aamma pisussaavoq. Tassani kommunit, inuussutissarsiortut, angallassinermik suliaqartut nammineerlutik, peqataapput. Pingaarutilinnik pitsaasunik saqqummertoqarpoq, kiffartuunneqarnissamut isumaqatigiissutit naliliivigineqarneranni ilanngunneqarsinnaasunik.”
Ineqarnermut Attaveqaasersuutinullu Naalakkersuisoqarfiup naliliinissamut suliakkiussanut najoqqutassaq, Naalakkersuisunit akuerineqartussaq, siunissami qaninnerpaami suliariniarpaa. Naatsorsuutigineqarpoq naliliineq 1. juli 2023 tikitsinnagu piareereersimasinnaasoq.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl
Peqatigisaanik ilaasunik angallassinermut nutaamik periaaseqartoqarpoq, tassani umiarsuarmik qulimiguulimmillu angallanneq suliaqartuusunut assigiinngitsunut marlunnut avinneqarluni, aammalu isumaqatigiissutit ukiunik 10-nik siunnerfilimmik isumaqatigiissutigineqarlutik.
Taamaattumik Ineqarnermut Attaveqaasersuutinullu Naalakkersuisup kiffartuunneqarnissamut isumaqatigiissutit naliliiffigineqarnerat aallartinniarpaa, taanna kiffartuunneqarnissamut isumaqatigiissutit iluarsineqarsinnaanerat pillugu Naalakkersuisunut inassuteqaatinik arlalinnik kinguneqassalluni.
Tassunga tunngatillugu Ineqarnermut Attaveqaasersuutinullu Naalakkersuisoq imatut oqaaseqarpoq:
”Isumaqarpunga kiffartuunneqarnissamut isumaqatigiissutit naliliivigineqarnissaat pingaaruteqartoq. Piffissami kingullertigut nunatsinni innuttaasut amerlasuut anigorniagassanik nalaataqarsimapput, aammalu kiffartuunneqarnissamut isumaqatigiissutit, nutaamik periaaseqarluni isumaqatigiissutigineqartut, eqqummaarilluta naliliivigisariaqarpagut. Tassami innuttaasut annertunerusunik kinguaattooratik nikissinnaajunnaaratillu nunatsinni angallanneqarsinnaallutik tatigisinnaasariaqarpaat.”
Ineqarnermut Attaveqaasersuutinullu Naalakkersuisoq, Erik Jensen, nangippoq:
”Sisimiuni februaarimi attaveqaasersuutit pillugit isumasioqatigiinnitsinnut pissusissamisoortumik nangissutigalugu tamanna aamma pisussaavoq. Tassani kommunit, inuussutissarsiortut, angallassinermik suliaqartut nammineerlutik, peqataapput. Pingaarutilinnik pitsaasunik saqqummertoqarpoq, kiffartuunneqarnissamut isumaqatigiissutit naliliivigineqarneranni ilanngunneqarsinnaasunik.”
Ineqarnermut Attaveqaasersuutinullu Naalakkersuisoqarfiup naliliinissamut suliakkiussanut najoqqutassaq, Naalakkersuisunit akuerineqartussaq, siunissami qaninnerpaami suliariniarpaa. Naatsorsuutigineqarpoq naliliineq 1. juli 2023 tikitsinnagu piareereersimasinnaasoq.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl