AtuartigukKangerlussuarmi najukkami umiarsualivimmut oqartussaanermik tunniussineq
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Suliffeqarfittut namminersortitamiit aktiaateqarluni ingerlatseqatigiiffittut allannguinissamut ilaatillugu Mittarfeqarfiit tunngaviusumik suliassani ukkatilissavai. Tamanna isumaqarpoq, Kangerlussuarmi umiarsualivimmut oqartussaasutut Mittarfeqarfiit ingerlatsisuujunnaartut.
Umiarsuit takornariartitsinermik suliaqartut suleqatiginerinut Sikuki misilittagalerujussuuvoq, umiarsuillu takornariartaatit pisariaqartitaannik ilisimasaqarluarluni. Tamatuma saniatigut umiarsuit takornariartitsinermik suliaqartut atuisutut akiliisarnerata atuutsilersinneranik Sikuki misilittagaqarpoq.
Umiarsualiviit ataatsimoorluta atortakkatta aserfallatsaaliornerinut aningaasartuutinut umiarsuit takornariartitsinermik suliaqartut Kalaallit Nunaanni innuttaasunut nammaqataanerminnut ersersitsisinnaanissaannut atuisutut akiliutip atuutilersinneqarneranut piumasaqaateqarnissaq pisariaqarpoq.
Taamaattumik Nuummi umiarsualivimmi ilusiliunneqarsimasoq malillugu atuisunut umiarsualiviup aningaasartuutaasa tutsinneqarnisaanut qulakkeerinnittussamik akiliutigitineqartunut allattuiffimmik siunnersuummik Sikuki suliaqaqqullugu Naalakkersuisut qinnuigaat.
Umiarsualivimmut oqartussaanerup naleqqulluartumik tunniunneqarnissaa pillugu Ineqarnermut Attaveqaasersuutinullu Naalakkersuisoqarfiup Sikuki suleqatigaa, qanittukkullu Kangerlussuup Umiarsualivianut atugassarititaalerumaartut annertunerusumik ilisimatitsissutigisinnaassallugit.
Ineqarnermut Attaveqaasersuutinullu Naalakkersuisoq Erik Jensen ima oqaaseqarpoq:
”Sikuki Nuummi suliaqarnermigut nunani tamalaanit imarsiornermi ilaasartaassuarnik suliaqarnermini paasisimasaqarluarnermik takutitsisimavoq umiarsuillu takornariartitsinermik suliaqartut kissaatigisaat pisariaqartitaallu ilisimallugit. Taamaattumik Kangerlussuarmi Umiarsualivimmi umiarsualivimmut oqartussaasutut suliassamik Sikukip kivitsisinnaaneranut Naalakkersuisut tatiginnittorujussuupput.”
Ineqarnermut Attaveqaasersuutinullu Naalakkersuisoq Erik Jensen aammattaaq oqaaseqarpoq:
”Umiarsualiviit ataatsimoorluta atortakkatta aningaasartuutiginerinut umiarsuit takornariartitsinermik suliaqartut Kalaallit Nunaanni innuttaasunut nammaqataanerminnut ersersitsinissamut maannakkut periarfissaqalernerat naammagisimaartorujussuuara.”
Kangerlussuarmi Umiarsualivimmut aalajangersimasumik atugassarititaasut akigititallu Sikukimit suliarineqassapput kingornatigut Naalakkersuisunit akuersissutigineqarnissaat siunertaralugu.
Paasisaqarnerorusukkuit Ineqarnermut Attaveqaasersuutinullu Naalakkersuisoqarfik box909@nanoq.gl-mut attavigiuk
Umiarsuit takornariartitsinermik suliaqartut suleqatiginerinut Sikuki misilittagalerujussuuvoq, umiarsuillu takornariartaatit pisariaqartitaannik ilisimasaqarluarluni. Tamatuma saniatigut umiarsuit takornariartitsinermik suliaqartut atuisutut akiliisarnerata atuutsilersinneranik Sikuki misilittagaqarpoq.
Umiarsualiviit ataatsimoorluta atortakkatta aserfallatsaaliornerinut aningaasartuutinut umiarsuit takornariartitsinermik suliaqartut Kalaallit Nunaanni innuttaasunut nammaqataanerminnut ersersitsisinnaanissaannut atuisutut akiliutip atuutilersinneqarneranut piumasaqaateqarnissaq pisariaqarpoq.
Taamaattumik Nuummi umiarsualivimmi ilusiliunneqarsimasoq malillugu atuisunut umiarsualiviup aningaasartuutaasa tutsinneqarnisaanut qulakkeerinnittussamik akiliutigitineqartunut allattuiffimmik siunnersuummik Sikuki suliaqaqqullugu Naalakkersuisut qinnuigaat.
Umiarsualivimmut oqartussaanerup naleqqulluartumik tunniunneqarnissaa pillugu Ineqarnermut Attaveqaasersuutinullu Naalakkersuisoqarfiup Sikuki suleqatigaa, qanittukkullu Kangerlussuup Umiarsualivianut atugassarititaalerumaartut annertunerusumik ilisimatitsissutigisinnaassallugit.
Ineqarnermut Attaveqaasersuutinullu Naalakkersuisoq Erik Jensen ima oqaaseqarpoq:
”Sikuki Nuummi suliaqarnermigut nunani tamalaanit imarsiornermi ilaasartaassuarnik suliaqarnermini paasisimasaqarluarnermik takutitsisimavoq umiarsuillu takornariartitsinermik suliaqartut kissaatigisaat pisariaqartitaallu ilisimallugit. Taamaattumik Kangerlussuarmi Umiarsualivimmi umiarsualivimmut oqartussaasutut suliassamik Sikukip kivitsisinnaaneranut Naalakkersuisut tatiginnittorujussuupput.”
Ineqarnermut Attaveqaasersuutinullu Naalakkersuisoq Erik Jensen aammattaaq oqaaseqarpoq:
”Umiarsualiviit ataatsimoorluta atortakkatta aningaasartuutiginerinut umiarsuit takornariartitsinermik suliaqartut Kalaallit Nunaanni innuttaasunut nammaqataanerminnut ersersitsinissamut maannakkut periarfissaqalernerat naammagisimaartorujussuuara.”
Kangerlussuarmi Umiarsualivimmut aalajangersimasumik atugassarititaasut akigititallu Sikukimit suliarineqassapput kingornatigut Naalakkersuisunit akuersissutigineqarnissaat siunertaralugu.
Paasisaqarnerorusukkuit Ineqarnermut Attaveqaasersuutinullu Naalakkersuisoqarfik box909@nanoq.gl-mut attavigiuk