AtuartigukIlluut A/S peqqinnissaqarfimmut Illuut A/S-imilu attartortunut utaqqisuni allassimasunut attartortinneqartussanik inissianik pisissaaq
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Inatsisartut Aningaasaqarnermut Akileraartarnermullu Ataatsimiititaliaata ulloq 27. februar akueraa Naalakkersuisut inissianut napasuliat pingasut katillugit 90-inik inissiartaqartut, Qatserisuni inissisimasut, pisiareqqullugit Illuut A/S-ip qinnuiginissaanut piginnaatinneqarnissaat.
Inissianut napasuliat Steno Diabetes Centerissap aammalu Dronning Ingrid Napparsimavissuata (DIH) eqqannguani sanaartorneqassapput, tamatumalu 2023 aamma 2024 akornanni piffissami sanaartornerat naammassissasoq naatsorsuutigineqarluni.
DIH-imut qanittumi inissisimaneranni peqqinnissaqarfimmut inissisimaffik pilerinaateqarpoq. Taamaattumik inissiat Peqqissutsimut Pitsaaliuinermullu Aqutsisoqarfimmut attartortinneqassapput aammalu DIH-imi sulisunut pigaartuusartunut sulisunut inissiatut atorneqassallutik. Tamanna DIH-ip ingerlanneqarneranut iluaqutaassasoq kiisalu peqqinnissaqarfiup sulisussarsisarnissamut sulisorinniinnarnissamullu periarfissaannik pitsanngorsaassasoq, naatsorsuutigineqarpoq. Tassunga ilanngullugu attartukkat arlallit atorunnaarsinneqarsinnaalissapput.
Inatsisartut Aningaasaqarnermut Akileraartarnermullu Ataatsimiititaliaata taamatuttaaq inissiarsuit sisamat, 88-inik inissiartaqartut, Qinngorpumi Unaaq-mi inissisimasut, pisiareqqullugit Illuut A/S qinnuiginissaanut Naalakkersuisut piginnaatitaanissaat akueraat. Inissiarsuit 2024 aamma 2026 akornanni piffissami sanaartornerat naammassissasoq naatsorsuutigineqarpoq. Inissiat taakkua taamatuttaaq sulisunut inissiatut aammalu attartortussanut Illuut A/S-imi nalinginnaasumik utaqqisuni allatsissimasunut innersuunneqassapput.
Ineqarnermut Attaveqaasersuutinullu Naalakkersuisoq Erik Jensen oqarpoq:
”Illuut A/S-ip inissianik pisinera Illuut A/S-ip suliassaminni qitiusut ukkataralugit, inuiaqatigiinni unammilligassat pingaarutillit, inissianik amigaateqarnertut ittut, aaqqiiviginissaannut qanoq tapersiisinnaaneranut, assersuutissaalluarput.”
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl
Inissianut napasuliat Steno Diabetes Centerissap aammalu Dronning Ingrid Napparsimavissuata (DIH) eqqannguani sanaartorneqassapput, tamatumalu 2023 aamma 2024 akornanni piffissami sanaartornerat naammassissasoq naatsorsuutigineqarluni.
DIH-imut qanittumi inissisimaneranni peqqinnissaqarfimmut inissisimaffik pilerinaateqarpoq. Taamaattumik inissiat Peqqissutsimut Pitsaaliuinermullu Aqutsisoqarfimmut attartortinneqassapput aammalu DIH-imi sulisunut pigaartuusartunut sulisunut inissiatut atorneqassallutik. Tamanna DIH-ip ingerlanneqarneranut iluaqutaassasoq kiisalu peqqinnissaqarfiup sulisussarsisarnissamut sulisorinniinnarnissamullu periarfissaannik pitsanngorsaassasoq, naatsorsuutigineqarpoq. Tassunga ilanngullugu attartukkat arlallit atorunnaarsinneqarsinnaalissapput.
Inatsisartut Aningaasaqarnermut Akileraartarnermullu Ataatsimiititaliaata taamatuttaaq inissiarsuit sisamat, 88-inik inissiartaqartut, Qinngorpumi Unaaq-mi inissisimasut, pisiareqqullugit Illuut A/S qinnuiginissaanut Naalakkersuisut piginnaatitaanissaat akueraat. Inissiarsuit 2024 aamma 2026 akornanni piffissami sanaartornerat naammassissasoq naatsorsuutigineqarpoq. Inissiat taakkua taamatuttaaq sulisunut inissiatut aammalu attartortussanut Illuut A/S-imi nalinginnaasumik utaqqisuni allatsissimasunut innersuunneqassapput.
Ineqarnermut Attaveqaasersuutinullu Naalakkersuisoq Erik Jensen oqarpoq:
”Illuut A/S-ip inissianik pisinera Illuut A/S-ip suliassaminni qitiusut ukkataralugit, inuiaqatigiinni unammilligassat pingaarutillit, inissianik amigaateqarnertut ittut, aaqqiiviginissaannut qanoq tapersiisinnaaneranut, assersuutissaalluarput.”
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl