AtuartigukPaamiuni aalisartunik ilisimatitseqatigiilluni ataatsimeeqateqarneq
Nassiussisuuvoq: Aalisarnermut Piniarnermullu NaalakkersuisoqarfikAalisarnermut Piniarnermullu Naalakkersuisoq Karl Tobiassen Paamiuni aalisartunik piniartunillu apriilip 11-anni ataatsimeeqateqarpoq.
Aalisarnermut Piniarnermullu Naalakkersuisoq apriilip 11-annit 13-iannut Paamiuniippoq.
Aalisartunik piniartunillu ataatsimeeqateqarami Aalisarneq pillugu Ataatsimiititaliarsuup innersuussutai oqaluuserineqartuni qitiupput.
- Ataatsimiinnermi kissaatitut oqaatigaara aalisakkanut assigiinngitsunut IOK-lersuinissanut tunngatillugu isummersortoqarnissaa neriuutigalugu. Erseqqissarparalu aalisartut isumaat aalisarneq pillugu inatsisissamut nutaamut tunngatillugu suliaqarnissaminut pigaaruteqarluinnartut, Aalisarnermut Piniarnermullu Naalakkersuisoq Karl Tobiassen oqarpoq.
Ataatsimiinnermi aamma ilisimatitsissutigineqarput Naalakkersuisut aalisarneq piniarnerlu pillugit piffissaq maanna tikillugu aalajangiiffigisimasaat, nalunaarutit arlallit allanngortinneqartut, kiisalu sulianut assigiinngitsunut killiffiit ilisimatitsissutigineqarlutik.
Aalisarnermut Piniarnermullu Naalakkersuisup Karl Tobiassenip Paamiuniinnermini Royal Greenlandip suliffissua aamma Imarsiornermut Ilinniarfik paasisassarsiorfigivai.
Attavigineqarsinnaavoq: Aalisarnermut Piniarnermullu Naalakkersuisoqarfik. APN@nanoq.gl
