Erik Jensen Transportministerimit tikeraarneqalersoq

Danskit Transportministeriat, Thomas Nolsøe Danielsen (V), Sisimiunut tikeraalerpoq.

Ineqarnermut Attaveqaasersuutinullu Naalakkersuisoq, Erik Jensen (S), tikeraartitsisuussaaq.

Taakkua marluullutik apriilip 11-anit ulluni marlunni Sisimiuniissapput.

- Danskit Naalakkersuisortaavi siorna ukioq naalersoq ivertinneqarput. Transportministeri aatsaat siullerpaamik nunatsinnukartussanngormat nuannaarutigaara, Ineqarnermut Attaveqaasersuutinullu Naalakkersuisoq, Erik Jensen oqarpoq.

- Nunatsinni ATV-it aammalu Snescooterit amerlanerpaartaat Sisimiuniimmata, pingaaruteqarsimavoq nunakkut angallannerit pillugit aammalu atuisut qanimut naapinneqarnissaat. Naalakkersuisuniillu aamma KANUNUPE-p aaqqiivigeqqusimasai pingaarutillit ilanngullugit eqqartorneqassapput, Erik Jensen oqarpoq.

Nunat marluk Naalakkersuisuisa ilaatigut Sisimiuni mittarfik, politeeqarfik kiisalu snescooterertartut peqatigiiffii naapissavaat.

- Nunatsinni silaannakkut nunakkullu angallaneq Danmarkimi transportministeriet-mit ilaatigut oqartussaaffigineqarpoq, taamaattumik ministerimut sumiiffiit taakkua takutinnissaat, aammalu nunatsinni unammilligassat assigiinngitsut, inatsisillu aaqqitassat iliuuseqarfigisarnissaat pingaaruteqarpoq, Erik Jensen oqarpoq.

Qeqqata Kommuniani borgmesteri, Malik Berthelsen (S) aamma Qeqqata Kommuniani inuussutissarsiornermut siunnersuisooqatigiit, tassa Arctic Circle Business-ip siulersuisui ataatsimeeqatigineqassapput.

Annertunerusumik paasisaqarusukkuit Ineqarnermut Attaveqaasersuutinullu Naalakkersuisup allattaa, Thora M. Hansen attaveqarfigisinnaavat: tmha@nanoq.gl