AtuartigukNunanut allanut, Inuussutissarsiornermut Niuernermullu Naalakkersuisoq Vivian Motzfeldt Alaskamut tikeraarpoq
Nunanut allanut, Inuussutissarsiornermut Niuernermullu Naalakkersuisoq Vivian Motzfeldt sapaatip-akunnerani kingullermi Alaskami Anchoragemut tikeraarpoq ataatsimeersuarnermut Arctic Encounterimut 29.-31. marts ingerlanneqartumut peqataajartorluni. Ataatsimeersuarnermi tassani siunertarineqartoq tassaavoq aqutsisut immikkullu ilisimasallit Issittumut tunngasunik sammisaqartut katersortissallugit, tamatumanilu ataatsimut soqutigisat ajornartorsiutaajunnartullu amerikamiut kiisalu nunat allamiut isaannit isigalugit oqallisigissallugit.
Nassiussisuuvoq: Nunanut Allanut, Inuussutissarsiornermut Niuernermullu Naalakkersuisoqarfik
Ataatsimeersuarnerup ingerlanerani Vivian Motzfeldt marloriarluni oqalugiartarpoq, oqalugiaamminilu Issittormiut Issittumi aalajangiisarnerni qitiunerisa pingaassusiat erseqqissarpaa, kiisalu Alaskami, Kalaallit Nunaanni Canadamilu inatsisartut najukkamilu qinikkat naapillutik misilittakkaminnik avitseqatigiittarfeqalernissaasa tigussaasumillu suleqatigiittalernissaasa pisariaqassusia erseqqissarpaa. Tamatuma saniatigut EU-mut Issittumullu tunngasut kiisalu Kalaallit Nunaata EU-llu pitsaasumik suleqatigiinnerat sammivai, kiisalu ukiup ingerlanerani EU-ip Nuummi allaffimmik ammaasussaanera eqqaavai.
Anchoragimiinnermini Vivian Motzfeldt inuussutissarsiortut siuttuinik naapitsivoq, soorlu Inuit suliffeqarfiutaanni Nana Corporationimi siuttunik. Tassunga atatillugu Vivian Motzfeldt oqarpoq:
”Alaskalu assigiissuteqaqaagut, pingaartumik Inuit eqqarsaatigalugit. Alaskami Inuit suliffeqarfiutaat angisuut assorsuaq ilinniarfigisinnaavavut, soorlu Alaskami inuussutissarsiorneq eqqarsaatigalugu Inuit qanoq sunniuteqalerlutillu piginnittunngorsimanerat pillugu. Aatsitassarsiorneq, sakkutooqarfinnik sullissinermut isumaqatigiissutit allarpassuillu eqqarsaatigalugit naggueqativut Inuit assut ilinniarfigisinnaavavut. ”
Vivian Motzfeldtittaaq Alaskap Lieutenant Governoria, Nancy Dahlstrom naapippaa, taanna naalagaaffiup immikkoortua Alaska sinnerlugu nunanut allanut tunngasunut immikkut akisussaavoq. Ataatsimiinnermi tassani Alaskap Kalaallillu Nunaata suelqatigiinnerulernissaat eqqartorneqarpoq, soorlu aningaasaliisarnerni, ilinniartitaanermi, ilisimatusarnermi, ilisimasanik aveqatigiittarnermi allanilu. Ataatsimiinneq pitsaasuumik siunnerfeqarluartumillu ingerlavoq, suleqatigiinnermi annerusumik ingerlariaqqinnissamut aalajangersimasumik siunnersuuteqarfiulluni.
Tamatuma saniatigut ataatsimut ataatsimiinnermut Alaskap Universititiani pisortap Pat Pitneyip, kiisalu USA-p naalakkersuisuinit atorfilittat, soorlu amerikamiut nunanut allanut ministeriaqarfianni Pisortap tulliata, Douglas Jonasip kiisalu Det Hvide Husimi Issittumut tunngasugit Aqutsisoqatigiinneersup David Baltonip, peqataaffigisaannut ilaavoq. Tassani eqqartorneqartut tassaapput ilinniartitaanikkut Kalaallit Nunaata USA-llu annerusumik suleqatigiissinnaanerannut periarfissat kiisalu Alaskap Kalaallit Nunaatalu akornanni ilinniartut paarlaattarnerisa annertunerulertariaqarnera.
Tikeraarnerminissaaq Vivian Motzfeldt Kalaallit Nunaata suleqatigilluagaanik qassiinik naapitsivoq, soorlu Dr. Mike Sfraga, amerikamiut isumalioqatigiisitsisarfianni The Wilson Centerimi Issittumut tunngasunik suliaqarfimmi pisortaasimasoq, kiisalu USA-p Issittumut aallartitaatut qanittukkut toqqagaasoq, kiisalu The Wilson Centerimi pisortaq Mark Green, Ted Stevens Issittumi Isumannaallisaanikkut Misissuisoqarfimmeersoq, taavalu ICC-Alaska, oqaluuseraallu ilisimasanik paarlaasseqatigiittarnikkut, ilisimatusarnikkut kiisalu ataatsimut ataatsimeersuartitsisarnikkut suleqatigiinneq annerusoq.
Attavissaq: Naalakkersuisup allattaa Naasunnguaq Beck Kristensen, E-mail: nabk@nanoq.gl
Anchoragimiinnermini Vivian Motzfeldt inuussutissarsiortut siuttuinik naapitsivoq, soorlu Inuit suliffeqarfiutaanni Nana Corporationimi siuttunik. Tassunga atatillugu Vivian Motzfeldt oqarpoq:
”Alaskalu assigiissuteqaqaagut, pingaartumik Inuit eqqarsaatigalugit. Alaskami Inuit suliffeqarfiutaat angisuut assorsuaq ilinniarfigisinnaavavut, soorlu Alaskami inuussutissarsiorneq eqqarsaatigalugu Inuit qanoq sunniuteqalerlutillu piginnittunngorsimanerat pillugu. Aatsitassarsiorneq, sakkutooqarfinnik sullissinermut isumaqatigiissutit allarpassuillu eqqarsaatigalugit naggueqativut Inuit assut ilinniarfigisinnaavavut. ”
Vivian Motzfeldtittaaq Alaskap Lieutenant Governoria, Nancy Dahlstrom naapippaa, taanna naalagaaffiup immikkoortua Alaska sinnerlugu nunanut allanut tunngasunut immikkut akisussaavoq. Ataatsimiinnermi tassani Alaskap Kalaallillu Nunaata suelqatigiinnerulernissaat eqqartorneqarpoq, soorlu aningaasaliisarnerni, ilinniartitaanermi, ilisimatusarnermi, ilisimasanik aveqatigiittarnermi allanilu. Ataatsimiinneq pitsaasuumik siunnerfeqarluartumillu ingerlavoq, suleqatigiinnermi annerusumik ingerlariaqqinnissamut aalajangersimasumik siunnersuuteqarfiulluni.
Tamatuma saniatigut ataatsimut ataatsimiinnermut Alaskap Universititiani pisortap Pat Pitneyip, kiisalu USA-p naalakkersuisuinit atorfilittat, soorlu amerikamiut nunanut allanut ministeriaqarfianni Pisortap tulliata, Douglas Jonasip kiisalu Det Hvide Husimi Issittumut tunngasugit Aqutsisoqatigiinneersup David Baltonip, peqataaffigisaannut ilaavoq. Tassani eqqartorneqartut tassaapput ilinniartitaanikkut Kalaallit Nunaata USA-llu annerusumik suleqatigiissinnaanerannut periarfissat kiisalu Alaskap Kalaallit Nunaatalu akornanni ilinniartut paarlaattarnerisa annertunerulertariaqarnera.
Tikeraarnerminissaaq Vivian Motzfeldt Kalaallit Nunaata suleqatigilluagaanik qassiinik naapitsivoq, soorlu Dr. Mike Sfraga, amerikamiut isumalioqatigiisitsisarfianni The Wilson Centerimi Issittumut tunngasunik suliaqarfimmi pisortaasimasoq, kiisalu USA-p Issittumut aallartitaatut qanittukkut toqqagaasoq, kiisalu The Wilson Centerimi pisortaq Mark Green, Ted Stevens Issittumi Isumannaallisaanikkut Misissuisoqarfimmeersoq, taavalu ICC-Alaska, oqaluuseraallu ilisimasanik paarlaasseqatigiittarnikkut, ilisimatusarnikkut kiisalu ataatsimut ataatsimeersuartitsisarnikkut suleqatigiinneq annerusoq.
Attavissaq: Naalakkersuisup allattaa Naasunnguaq Beck Kristensen, E-mail: nabk@nanoq.gl
