AtuartigukArnarlunniarneq aallartittariaqarpoq
Naalakkersuisut aalisarnermik inuussutissarsiuteqartut kattuffiat KNAPK aamma Nunat-sinni aalisakkeriviit annersaat Royal Greenland A/S akunnerminni nipisat suaasa tunisaalernissaannut sulinerat qanimut malinnaaffigivaat.
Nassiussisuuvoq: Aalisarnermut Piniarnermullu Naalakkersuisoqarfik
Ippassaq apriilip sisamaanni 2023 KNAPK Naalakkersuisut Siulittaasuannut aamma Aalisarnermut Piniarnermullu Naalakkersuisumut saaffiginnissuteqarput pinartumik aaqqiissuteqartoqartariaqarneranik. Ilaatigut allallutik, KNAPK-p ilaasortaminut tunisi¬nermi aki RG-p saqqummiussimasaa akuersissutigissagunikku, Naalakkersuisut Inatsisartut Aningaasaqarnermut Ataatsimiititaanut immikkut ittumik pilertortumik 7,375 mio. kr.-inik aningaasartalimmik ilassutitut aningaasaliissuteqartariaqartut tunisinermi akimut tapiissutaasinnaasumik kissaateqarlutik.
Royal Greenland ullumikkut tusagassiorfitsigut nalunaaruteqarpoq, kisimiigani aalisak-kerinermilli suliaqartunut tamanut atuuttumik akit pillugit isumaqatigiissummut ilanngun-nissaminnut soqutiginnillutik, arlaleriarlutillu tamanna ilisimatitsissutigereersimallugu erseqqissaallutik.
Naalakkersuisut isumaqarput KNAPK-p tunitsiviillu arlaqartut akorngini isumaqatigiin-niarneq tassuunatigut ingerlanneqartariaqartoq tamannalu iluatsissinnaassanngippat kaammattuutigissallugu, immikkut isumaqatigiisitsiniartartumik pilersitsillutik suliamik ingerlatsisariaqarnerannik. Taamaammat Naalakkersuisut immikkut aningaasaliissute-qartoqarnissaanut suliamik ingerlatsinissartik piffissaasorinngilaat.
Sukumiinerusumik paasisaqarusukkaanni Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl