Atuartiguk
Aqutsiveqarfimmi 1E-mi nipisanniarneq apriilip 10-anni 2023-mi aallartissaaq.
Tamanna pissaaq nipisanniarnermut nalunaarut paragraf 8 aamma 9 naapertorlugu:
§ 8. Najukkani tunitsiviit aalisartullu kattuffiisa sinniisuisa ilanngussaq 1 naapertorlugu aqutsiveqarfinni ataasiakkaani inuussutissarsiutigalugu arnarlunnik nipisanniarnermi piffissaq aalisarfissaq qaqugu aallartinneqassanersoq isumaqatigiissutigisassavaat.
Imm. 2. Imm. 1 naapertorlugu piffissat aalisarfiusussat isumaqatigiissutigineqartut nipisanniarnerup aqutsiveqarfimmi pineqartumi aallartinnginnerani kingusinnerpaamik sapaatip akunnera sioqqullugu Aalisarnermut Piniarnermullu Naalakkersuisoqarfimmut nalunaarutigissavaat.
§ 9. Aqutsiveqarfinni ataasiakkaani piffissat aalisarfiusut pisassiissutillu pillugit nalunaarutit tusagassiuutitigut aamma Naalakkersuisut nittartagaatigut nalunaarutigineqartassapput. Aamma pisassiissutit tamarmiusut nunguppata nalunaaruteqartoqassaaq.
Imm. 2. Aalisarnermut Piniarnermullu Naalakkersuisoqarfiup aqutsiveqarfimmi ataatsimi piffissap aalisarfiusup naanerata kingorna pisassiissutit pisarineqanngitsut aqutsiveqarfimmut allamut nuussinnaavai.
Aqutsiveqarfiit uku suli aalisarfigineqartussatut ammarneqanngillat:
1A, 1Ba, 1Bb, 1C, 1D og 1F.
Aqutsiveqarfinni ullut nipisanniarfigineqartussat 60-iusarput, ulloq aallartiffigineqartoq aallartiffiusarluni – ullut tulleriaat aalisarfiusarlutik. Pisassiissutigineqartut nunguppata aalisarneq aamma unitsinneqartarluni.
Nipisat 2023-mut pisassiissutigineqartut 1.475,3 tonsiupput, taakku aqutsiveqarfinni ima amerlatigisut, oqimaatsigisut, aalisarneqassapput:
| Sumiiffik | Pisassiissutit - tonsit |
| A1 | 181,2 |
| 1Ba | 162,2 |
| 1Bb | 84,1 |
| 1C | 370,1 |
| 1D | 362,2 |
| 1E | 203,4 |
| 1F | 112,1 |
| Katillugu | 1.475,2 |
Aalisarnermut Piniarnermullu Naalakkersuisoqarfimmit aamma KANUAANA-mit erseqqissarneqassaaq aqutsiveqarfiit arlaat pineqartoq ammartinnagu nipisanniartoqaqqusaanngimmat, tunisisoqarsinnaanani aamma pisisoqarsinnaanani.
Ullut aalisarfigineqartut sunngiffimmi aamma aalisartunut atuupput.
Nipisanniarnermut piumasaqaatit maleruagassallu UANI atuarneqarsinnaapput.
Nipisanniarnissamut akuersissummik UANI qinnuteqartoqarsinnaavoq.
Uani pisassiissutigineqartut sapaatip akunneranilu pisarineqartut malinnaavigineqarsinnaapput. https://gflk.gl/ka/
Annerusumik paasisaqarusukkuit uunga paasiniaasinnaavutit; Aalisarnermut Piniarnermullu Naalakkersuisoqarfik. APN@nanoq.gl