Atuartiguk
Inatsit tunngaviusussaq pillugu isumalioqatigiissitat siulittaasuata Ineqi Kielsenip tallimanngornermi Inatsimmut tunngaviusumut missingiut aamma isumaliutissiissut Naalakkersuisut siulittaasuannut Múte Bourup Egede-mut tunniuppaa.
- Sivisuumik suliarineqarsimavoq piffissallu ilaanni unammillernartoqartarsimalluni. Maanna missingiut tigusimavarput, aammalu Inatsisartunut qanoq suliap ingerlateqqinnissaanut isummertussanut ingerlateqqissinnaallugu, taama oqarpoq Múte Bourup Egede.
Inatsit tunngaviusussaq pillugu isumalioqatigiissitani siulittaasoq Ineqi Kielsen:
- Upernaakkut ataatsimiinnermut atatillugu Inatsisartut tamarmik tikerareersimalerpata pisortatigoortumik tunniussinissaq påskep kingorna pissaaq. Taamaalillutik Inatsisartuni ilaasortat persuarsiornermut peqataanissamut periarfissaqalissapput.
Inatsisartunut tamanullu tunniussineq 28. april pissaaq.
