AtuartigukOqaluttuarisaanermi angusaq nutaaq: Kalaallit Nunaata nalunaaquttap ingerlaarfia allanngorpoq
Nassiussisuuvoq: Naalakkersuisut Siulittaasuata Naalakkersuisoqarfia
Maanna arfininngorpat ulloq 25. marts nal. 22:00 nalunaaqutarput akunnermik 1-imik siuarteqqittussanngorparput. Ukioq mannali nalinginnaasumik oktobarip qaammataani nalunaaqutaq ukiuuneranut nikisinneqassanngilaq.
"Oqaluttuarisaanitsinnut ulloq pingaartuuvoq. Nunatsinni nalunaaquttap ingerlaarfia nalinginnaasumik allanngortitsineq ukioq manna oktobarip qaammataata naanerani aatsaat malunnaateqassaaq, tassa akunnermik 1-imik nikisitsisarfigisimasatsinni. Ukioq mannali taamaasiussanngilagut", Naalakkersuisut Siulittaasuat Múte Bourup Egede taama oqarpoq.
Ittoqqortoormiit nalunaaquttap ingiaqatigiiffiat nalinginnaasoq malitartik aallutiinnassavaat, tassani akunnernik 2-nik Kalaallit Nunaata sinneranit siulliussallutik. Naalakkersuisut Ittoqqortoormiini innuttaasunut tusarniaaneq, nalunaaquttap ingiaqatigiiffiat nalinginnaasoq atugartik atuinnarusunneeraat imaluunnit Kalaallit Nunaata sinnera malillugu allanngortitserusunnersut pillugu aallartissimavaat.
