AtuartigukPiniarnermut allagartaq kingusinnerpaamik maajip aallaqqaataanni akilerneqassaaq
Nassiussisuuvoq: Aalisarnermut Piniarnermullu Naalakkersuisoqarfik
Tuttunniarnissamut aamma umimmanniarnissamut akuersissutinik qinnuteqassagaanni taava piniarnermut allagartaq akilerneqartariaqarpoq. Piniarsinnaanermut allagartat pillugit nalunaarutit naapertorlugit sunngiffimmi imaluunniit inuussutissarsiutigalugu piniarsinnaanermut allaqartallit ukiumi pineqartumi kingusinnerpaamik oktobarip ulluisa 15-iat pisat nalunaarutigisussavaat. Ukioq manna 2023-mi aasakkut ukiakkullu tuttunniarnissamut umimmanniarnissamullu akuersissutinik qinnuteqarniaraanni piniarnermut allagartaq kingusinnerpaamik maajip aallaqqaataanni 2023-mi akilereerneqarsimassaaq.Tamanna inuussutissarsiutigalugu piniartunut aamma sunngiffimmi pinialuttartunut atuuppoq. Piniarnermut allagartaq kingusinnerpaamik ataasinngornermi maajip aallaqqaataanni 2023-mi akilerneqarsimanngippat 2023-mi tuttunniarnissamut umimmanniarnissamullu akuersissutinik qinnuteqartoqarsinnaassanngilaq. Tassunga pissutaavoq 2023-mi apriilip 30-at sapaataammat.
Ukiuni marlunni najugaqarsimasuunissaq
Piniakkanut killilersukkanut, soorlu tuttunniarnissamut umimmanniarnissamullu akuersissutinik qinnuteqartoqartillugu, ulloq qinnuteqarfiusoq sioqqullugu ukiuni kingullerni qulini sivikinnerpaamik ukiuni marlunni ataannartumik nunatsinni najugaqarsimasuunissamik piumasaqaataammat. Tamanna sunngiffimmi pinialuttartunut taamaallaat atuuppoq.
Sukumiinerusumik paasisaqarusukkaanni Aalisarnermut Piniarnermullu Naalakkersuisoqarfimmi immikkoortortaqarfimmi pisortaq Amalie A. Jessen attavigiuk, oqarasuaat 34 53 04, e-mail: amalie@nanoq.gl imaluunniit AC fuldmægtig Nuka Møller Lund, oqarasuaat 34 53 04, e-mail numl@nanoq.gl
Ukiuni marlunni najugaqarsimasuunissaq
Piniakkanut killilersukkanut, soorlu tuttunniarnissamut umimmanniarnissamullu akuersissutinik qinnuteqartoqartillugu, ulloq qinnuteqarfiusoq sioqqullugu ukiuni kingullerni qulini sivikinnerpaamik ukiuni marlunni ataannartumik nunatsinni najugaqarsimasuunissamik piumasaqaataammat. Tamanna sunngiffimmi pinialuttartunut taamaallaat atuuppoq.
Sukumiinerusumik paasisaqarusukkaanni Aalisarnermut Piniarnermullu Naalakkersuisoqarfimmi immikkoortortaqarfimmi pisortaq Amalie A. Jessen attavigiuk, oqarasuaat 34 53 04, e-mail: amalie@nanoq.gl imaluunniit AC fuldmægtig Nuka Møller Lund, oqarasuaat 34 53 04, e-mail numl@nanoq.gl