AtuartigukIvaaraq suli paarillugulu illersorparput
Nassiussisuuvoq: Meeqqanut, Inuusuttunut Ilaqutariinnullu Naalakkersuisoqarfik
Meeqqanut, Inuusuttunut Ilaqutariinnut Peqqissutsimullu Naalakkersuisoq, Mimi Karlsen, ulloq unnuarlu paaqqinnittarfik Ivaaraq qanittukkut pulaarpaa. Qaqortuliarnissaq sivisuumik pilersaarutaasimavoq. Aallarnissaraluit arlaleriarlutik kinguaattoortut suliassallu allat takkuttarneri pissutaallutik tikeraarnissaq kinguaattoorfiusimavoq.
- Qaqortumukarnissara pilersaarutaareersimavoq arlaleriarlungalu misiliisarsimallunga taamaattumik paaqqinnittarfimmi sulisut pulaarneri atuisullu alakkarnerisa maannakkut iluatsinnera nuannaarugitivara, Meeqqanut, Inuusuttunut, Ilaqutariinnut Peqqissutsimullu Naalakkersuisoq Mimi Karlsen oqarpoq.
Annertuumik innarluutillip, Ivaaqqami najugaqartup, erneriasaarnera 2022-mi nalunaarutigineqarpoq. Kalallit Nunaani Politiit pisoq suli misissorpaat.
- Pisoq alianartupilussuuvoq, tamannali pingaartillugu ukkatarilluarparput. Suliaq pimoorupparput Ivaaqqamilu sulisut najugallillu suli paarivagut sernissorlugillu.
- Suliaq politikerinit tusagassiutinillu alaatsinaanneqarsimaqaaq, tamannalu pissusissamisoorpoq. Suliaq misissorluariinngikkutsigu iperassanngilarput, soorunami aamma Namminersorlutik Oqartussat ulloq unnuarlu neqeroorutaanniittut inuit ukkatarilluarpavut, Miimi Karlsen oqarpoq erseqqissarlugulu suliaq mianeralugu isumassorlugulu suliarineqassasoq.
Periuseq ersarissarniarlugu inunnik innarluutilinnut najugaqarfiit neqeroorutinik arlaannulluunniit attuumassuteqanngitsumik misissuinermik aallartitsisoqarnikuuvoq. Tamatuma saniatigut novemberimi 2022-mi Nakkutilliisoqarfik nalunaaqqaarani Ivaaraqqamut nakkutilliiartorpoq.
Attavissaq Kontakt
Paasisaqarnerorusukkuit naalakkersuisup allattaa Naja Lynge-Petersen e-mail nalp@nanoq.gl imaluunniit oqarasuaat:+299 34 66 41 attavigiuk